Hnahthial Post | 13th December, 2024: MZP General Headquarters chuan vawiin ni 13 December, 2024 (Zirtawpni) chawhnu dar 2:00 khan, kum 2024 atan a MZP Pisapui kharna hun MZP Conference Hall-ah a hmangin, Pu C. Lalremruata Vice President in hun a kaihruai.
Kumin 2024 atana MZP Pisapui kharna hunah hian MZP President Pu H. Lalthianghlima chuan thu sawiin, MZP Pisapui hi khar mah ila, Zirlaite leh Ram leh Hnamin min mamawhna zawnah chuan engtiklai pawhin hma kan la reng dawn a ni, a ti a. MZP-in hmachhawp kal lai mek a neih hrang hrangte pawh ngaihven zui reng a ni ang a ti bawk.
MZP President chuan, kumin 2024 chhung zawnga Mizo zirlaite tana MZP hmalakna hrang hrang tawiawmtute chungah lâwmthu a sawi a. Kum tharah pawh tawiawm zel turin a sawm nghal a ni.
MZP President chuan, Aizawl Municipal Corporation (AMC) hnuaia hna hrang hrang lakah advertisement pawh chhuah lova, duhsak zawngte thun a ni hi MZP chuan a hrethiam lova. MZP ngenna avanga AMC in fixed pay-a mi 4 an lak tawh a sut leh (revoke) hi a lawmawm kan ti a. Hetiang hi thleng nawn tawh lo se kan duh a ni a ti.
"MPSC hnuaia hnalak hrang hrang sawi hlawh tak takte pawh kan enzui zel dawn a ni" a ti bawk.
MZP Pisapui hi kum thar, ni 14 January, 2025 hian a duh apiangte dawr theih turin hawn leh a ni ang.
[News update awlsam taka i dawn theih nan, WhatsApp Channel hi lo join ve ta che: https://whatsapp.com/channel/0029Va5SRQ77dmeSCGESWy0d ]
Share it with your friends!
[Feedback at: chiefeditorhnahthialpost@gmail.com]
[For Advertistment contact: +91 9774 771 645]
HNAHTHIAL POST
Hnahthial Insta Facebook:
Hnahthial Insta (Instagram):
Hnahthial Post YouTube:
Hnahthial Post Twitter:
Tags
News