Hnahthial Post | 8th April, 2024: Hnahthial Auto Rickshaw Owners' Association chuan ni 6th April, 2024 khan Horeb Conference Hall, Electric Veng Hnahthial-ah kum 25 an tlin lawmna (Silver Jubilee) hmangin Pu F. Zosangliana President, MJA Hnahthial chuan khuallian niin a hmanpui a, "Auto Rickshaw hi mimal anga sumdawnna a nih rualin khawtlang leh mipui rawngbawlna pawimawh tak, khawtlang hmel lanna a ni," a ti.
Khawvel hmasawnna kal zelah lirthei hmanga sumdawnna chu a tawp mai a rinawm loh thu sawiin MJA Hnahthial, President Pu F.Zosangliana chuan, "Lirthei enkawltute hian mipui te'n kan thlir reng tih hi an inhriat a, hawihhawmna leh nungchang mawi an lan chhuah tir fo a tula, mi dawr chak ni turin an lirtheite an enkawl uluk a ngai a ni," tiin, lirthei khalh tura dan leh hrai zawm ngaite vawng nung tlat tur leh incheina thlenga uluk a tul thu a sawi bawk. Hnahthial-a Auto Rickshaw khalhtute pawh khaw hmel lanna an ni tih intheihnghilh lova an mahni leh lirthei te fai taka vawng turin a chah a, mikhualte lakah phei chuan hawihhawmna leh dawhtheihna lan tir fo turin a fuih a ni. Zuk leh hmuam thil lakah fimkhur a ngaih thu pawh sawiin, "Passenger phurh laia Zu leh thildang ruih te, meizial zuk chu a mawi loh mai bakah dan bawhchhiatna a ni," tiin dan phal loh thil phurh pawh hlawk deuhin lang mahse phur lo ngam turin a chah bawk a ni. Hnahthial Auto Rickshaw zingah chetsualna tawk hriat tur a awm ngailo chu thil lawmawm tak a nih thu Pu F.Zosangliana chuan sawiin fimkhurna vawng nung reng chungin lungawi leh taima taka thawk zel turin a fuih bawk a ni.
He hun hi Pu K.Jerafima, President Hnahthial Auto-Rickshaw Owners' Association chuan kaihruaiin tun dinhmunah HAOA member 52 an awm mek a, HAOA President hmasaber Pu C.Zothankima pawhin hun hmanpuiin fuihna thu a sawi a, Jubilee ruai an theh bawk a ni.
[News update awlsam taka i dawn theih nan, WhatsApp Channel hi lo join ve ta che: https://whatsapp.com/channel/0029Va5SRQ77dmeSCGESWy0d ]
Share it with your friends!
[Feedback at: chiefeditorhnahthialpost@gmail.com]
[For Advertistment contact: +91 9774 771 645]
HNAHTHIAL POST
Hnahthial Insta Facebook:
Hnahthial Insta (Instagram):
Hnahthial Post YouTube:
Hnahthial Post Twitter:
Tags
News