Hnahthial Post | 6th April, 2024: District Child Protection Unit Hnathial chuan an din tirh April 2022 atanga thla kalta March 2024 chhung khan Hnahthial District-ah naupang a bika enkawl leh venhim ngai 130 hmuchhuakin naupang dan bawhchhia (JJB Case) 8 an buaipui tawh a, observation Home-a dah 6 leh Special Home a dah mi 2 an awm tawh bawk a ni.
Kum 2 leh thla 11 chhung hian DCPU Hnahthial-in Naupang venhim ngai (Child Welfare Committee Cases) hmuchhuah te harsatna tawh hi inang lo tak tak niin Zu leh ruihhlo dang avanga fate enkawl tha theilo Nu leh Pa 56 awmin an tam ber a, Chhungkaw rethei zual 34 awm bawkin nasa taka fate chunga kutthlak 4, School a zirtirtu in naupang kutthlak, nu leh pa natna khirhkhan vei avanga naupang harsatna tawk 3, naupang natna khirhkhan tawk 2, naupang hur sualna lam hawia naupang khuaikhem (POCSO) 7 te bakah kum naupang taka innei te, pianphung leh rilru rualban lo te leh harsatna dang tawkte an awm bawk a ni.
Sorkar enkawl naupang venhim leh enkawl ngaite mipa leh hmeichhe naupang a hran ve ve a enkawlna tur Children's Home pawh Hnahthial-ah kalpui thuai beisei a nih thu Pi R.Lalramdinmawii DCPO Hnahthial chuan sawiin Girls Home tur hi Chanmari vengah leh Boys Home tur hi Lungleng Vengah In hauh fel tawh niin Agreement pawh siam fel a nih tawh thu leh rolkhawlhna a awm loh chuan inbun fel theih beisei a nih thu a sawi.
Child Protection Services chuan naupangte enkawlna tura an mamawh hrang hrang hmuh chhuah leh tih chak a, naupang harsatna tawk te dikna chanvo humhim sak leh tha tak leh awmze nei taka naupang an lo thanlen theihna atana hmun him leh boruak muanawm siam sak chu an tum ber a nih thu DCPO Pi R.Lalramdinmawii chuan sawi bawkin hemi kawngah hian khawtlang mipuite chu venhim leh enkawl ngaite lhe naupang dan bawhchhia kan hria a nih chuan ngawihbo pui mai lo a, DCPU / CWC / Police / 1098 -ah te report turin thawh hopuiah a sawm nghal a ni.
[News update awlsam taka i dawn theih nan, WhatsApp Channel hi lo join ve ta che: https://whatsapp.com/channel/0029Va5SRQ77dmeSCGESWy0d ]
Share it with your friends!
[Feedback at: chiefeditorhnahthialpost@gmail.com]
[For Advertistment contact: +91 9774 771 645]
HNAHTHIAL POST
Hnahthial Insta Facebook:
Hnahthial Insta (Instagram):
Hnahthial Post YouTube:
Hnahthial Post Twitter:
Tags
News