Hnahthial Post | Aug 15, 2026, Thingsai: India in Brirish laka zalenna a hmuhna champha Independence Day vawi 80- chu Thingsai ah ropui taka hman a ni.
Kumin Independence Day hi F Hranghlira Memorial Ground Thinhsai ah hman niin ani khuallian atan Pu Lalhruaitluanga MCS, Sub- Deputy Commssioner Hnahthial District, Hnahthial hman a ni a.Chawhma dar 10:30 ah khuallian in Flag pawh parhin chibai bukna a nei a, School naupang parade contingent sawmhnih pakhat(21) ten parade an nei a.Khuallian in thusawina neiin India British in a kum zahnih(200) deuh thaw alo awpna ata zalena alo hmu ta a vawinah a vawi sawmriat (80) na kan hmang thei hi a lawmawm hle a ni.Kum 2047 India in a zalena kum 100 a tlin hma ngei a Developed country a siam ngei tuma hmalak mek niin Mizoram sorkar pawhin theihtawp chhuahin hma a la Thingsai ah pawh PWD IB sak mek te, Ṭiau tui pump tur leh Solar Model Village a Thingsai puan anih angin Vibrant Village Programme(VVP) Project aṭangin cheng emawzat a lo kal dawn bawk thu a sawi a, kan khawtlang hruaitute hmalaknain Mizoram pumah Fire Prevention in elna ah lawmman 2(pahnihna) vawinah hian Hnahthial ah kan VC ten an dawng bawk a a lawmawm thu a sawi bawk.
Vawin hun hmanna ah hian MSU Sub Hqrs Thingsai Kulva Cultural Club ten Hnam lam hmuhnawm tak an entir a,Primary leh Middle School Section tan mixed relay race ,Marathon intlansiak a duh a piang tan neih a ni bawk a.
Hei bakah hian Kut hnathawktu hlawhtlinna chang te hnenah kum 2025 chhunga Buh ngah ber Pu H Zahnuna Kawt 111( Ṭin 444) Hmarcha nghah ber Pu T.Lalngaihawma 9gtl(900kg) leh Sawhthing thar tam ber Pu R.Lalrmaliana 115gtl (11,500 kg) te hnenah chawimawina pawisa fai leh Thuziak hlan ni bawk.
Chawhnu lamah Inter Veng IDay football tournament Final khelh niin Senior Team ah Field veng champion in pahnihna Venglai an ni a, Junior ah Field veng champion in pahnihna Muallungthu Veng te an te an ni.
Tags
News