SIR Special Drive neih chungchangah Hnahthial Election thawktute, BLO Supervisor leh BLO ten an sawiho

Hnahthial Post | Oct 13, 2026, Hnahthial: Vawiin chawhnu dar 2:00 khan NIC Meeting Room DC Office, Hnahthial-ah Special Intensive Revision (SIR) kalpui mek a, Special Drive neih chungchangah Hnahthial Election thawktute, BLO Supervisor leh BLO ten an sawiho he hun hi Electoral Registration Officer (ERO) leh Addl. DC ni bawk Pu Lalremruata Kullai chuan a kaihruai a ni.

ERO Pu Lalremruata Kullai chuan Election Commission of India (ECI) chuan State tin Chief Electoral Officer (CEO), District Election Officer (DEO) leh Electoral Registration Officer (ERO) te chu October thla chhunga Special Drive nei tura a hriattir angin Hnahthial District-ah pawh ngawrh taka kalpui mek a ni a ti a, SIR neih hmaa electoral roll-a awm si, SIR Final Eelectoral Roll-a awm ta lote chu a list siamin, chung mite chu BLO ten an inah an tlawh a, India khua leh tui dik tak te chu Form-6 hmanga electoral roll-a luh dil turin an hrilh hre tur a ni a, anni bakah hian, vote nei thar tur, kum 18 tling tharte pawh an buaipui nghal tur a nih thu te, BLO list siam hi Booth Level Agent-te pawh an pe vek anga, BLO te’n field verification an tih zawhah hming list hi ERO/AERO hnenah submit leh dawn a ni. Form 6 fill-up ho hi ERO/AERO hmaah hearing neih tur niin, a tul dan leh remchan dan a zirin Booth Level Camp buatsaih tur a nih thu te SIR Special Drive hi kalpui mek niin hei hi October thla chhung kalpui tura ruahmanna siam a nih thu a sawiin BLO te chu notes uluk taka ziak thin turin a chah bawk.

Election Officer leh SDO Sadar ni bawk Pu S. Kaptluanga chuan inkoh khawm chhan a sawifiahin, zawhna leh chhanna hun hman a ni a, tha zawk leh dik zawka special drive kalpui chhunzawm zel dan tur an sawiho bawk.