Chief Minister leh Andhra Pradesh Chief Minister inkawm

Hnahthial Post | Oct 19, 2026, Aizawl: Vawiin khan Chief Minister Pu Lalduhoma chuan Amaravati-a Andhra Pradesh Chief Minister chenna inah Andhra Pradesh Chief Minister Pu N. Chandrababu Naidu nen inkawmna an nei a. Thil pawimawh hrang hrangte an sawidun.

Chief Minister hi Andhra Pradesh Minister of IT & Education, Pu Nora Lokesh chuan a lo dawngsawng a. Pu Nora Lokesh hi Pu Chandrababu Naidu fapa a ni a, IT & Education Minister a ni.

Chief Minister Pu Chandrababu nena inkawmnaah hian Pu Lalduhoma chuan Mizorama investment tih theihna rawn zawng turin Andhra Pradesh Chief Minister hi a sawm a. A tam thei anga thawhdun tha a tih thu a hrilh a ni. Tin, Mizo thalaite tana hnathawh tur Andhra Pradesh-a lo dapsak turin a ngen bawk a. Pu Chandrababu Naidu hian a theih ang anga an umzui tur thu a lo hrilh a ni.