Acid Peptic Disease kan tih hian heng pum lam harsatna te hi a huam thei ang - Pumpui pan, Rilfang lawng, Rilfang pan, irh benvawn leh a dangte a huam a. Ayurvedic chuan Amlapitta tih a ni. Amla - thur, pitta-kan pum pai tawihna tanpui tu. Kan pum pai tawihna puitu (Enzymes) te an nih tur aia an thur emaw eng emaw avanga an hnathawhtur ang an thawh loh khan Amlapitta kan ti thin.
A awm chhante:
Chaw ei mumal loh, Chaw hun lo a ei, Zuk leh hmuam tih nasat te, Caffeine lampang tamna ei/in, thil um leh uih lampang ei nasat, na chhawkna lam heng NSAIDs etc ei tam te, stress nasat lutuk, in thiar hunbi neih loh etc
A in ven dan:
Natna thlen tu - Zuk leh hmuam ti mi tan tan insum a ngai. Sa lam thil rep, uih lampang insum. Zan mut hma leh zing thawh hma, tui in tam te hi damdawi ei ai pawn an pawimawh zawk a ni. Thingpui paw thlum leh coffee in nasat te, thil sa lutuk leh thak lutuk te insum a ngai a, alcohol (zu lampang) insum a ngai bawk.
Thei (fruits) leh thlai lam: Sunhlu, Theibuhfai, Grape ro, Nimbu, Sawhthing, Hruivankai(Tinospora), Tawkte, Samtawk, Aloe vera te hi eitam a pawimawh.
Breathing exercise: Thawk exercise hi tha hle a, mihring hi kan thawk muan poh leh Oxygen hi kan thaw lut tha a, chu chuan kan thisen a tifai a, stress a ti hniam thei a, chu chuan indirect in kan pumpui lawng a ti dam a, hrisel na atan pawh a pawimawh a ni. Thawk muan a, dam diai a awm hi lo zir ve chhin teh.
Hriattur pawimawh te:
- Tui lum pip pep intam a tha.
- Pumpui tihfai dan tha pakhat chu zing thawh hlimah tui lum pip pep chi al in la, i in theih tawk thleng chumi zawh ah i in kawm luak dawn nia. Hei hian pumpui thur te a ti fai a ni. Chumi zawh ah chuan chaw nem lam leh thak leh sa lutuk ei nghal mai lo la, pumpui hah chawlh tir ve tur a ni.
- Kan taksa khawl te hi hna an thawk reng a, mahse khawl an ni ve a, engtik lai pawh a thil kan ei teuh teuh chuan an hah ve thei a, karkhat ah vawikhat tal Chaw nghei (fasting) a nih loh pawn chaw zangkhai lam (Light diet) ei hi tih ve zeuh zeuh a tha. Mahse zuk leh hmuam ti nasa, kuhva ei nasa tan insum theih loh chuan a tih chi kher lo a ni.
- Aloe vera juice, Sunhlu (Amla) tui, Nimbu thar lam sawr chawp zel in zing karah pumruah laia in thin hian pumpui lawng tan an tha hle.
AYUSH Doctor chawh nilo Homeopathic emaw Ayurvedic damawi te hi mahni thua ei mai a him lova, AYUSH Doctor-te chawh ngei chauh ei tur a ni.
Issued by: National AYUSH Mission: Directorate of AYUSH Government of Mizoram
[News update awlsam taka i dawn theih nan, WhatsApp Channel hi lo join ve ta che: https://whatsapp.com/channel/0029Va5SRQ77dmeSCGESWy0d ]
Share it with your friends!
[Feedback at: chiefeditorhnahthialpost@gmail.com]
[For Advertistment contact: +91 9774 771 645]
HNAHTHIAL POST
Hnahthial Insta Facebook:
Hnahthial Insta (Instagram):
Hnahthial Post YouTube:
Hnahthial Post Twitter:
Tags
Hriselna Huang