.jpeg)
Hnahthial Post | Oct 19, 2026, Aizawl: Naga Students’ Union, Mizoram (NSUM) chuan vawiin khan Berawtlang-a Art & Culture Auditorium-ah Freshers’ Meet-cum-Cultural Day vawi 28-na a hmang a. He hunah hian Chief Minister Adviser Dr. K.C. Lalmalsawmzauva chu khuallian niin Pu Remlalliana Hnamte, PS to Supply Minister chu khual zahawm a ni.
.jpeg)
Dr. K.C. Lalmalsawmzauva chuan zirlaite chu fuihin, an lehkha zirlai hun hi mi puitling ni tura inbuatsaihna hun pawimawh a ni, a ti a. Zirlaite chu an thil tumah chiang tur leh, chu an tum ram thleng tura ruahmanna siam leh inbuatsaih a pawimawh thu a sawi. A lehkha zirlaia a thil tawn te sawiin Dr. K.C. Lalmalsawmzauva chuan zirlaite chu hlawhtlinna atang chauh ni lovin, hlawhchhamna atang pawhin zir tur tam tak a awm tih hre turin a chah a. Kum 10 a ral hnuah eng ang mi nge nih an duh, eng hna nge thawh an tum, eng ang chhungkua nge din an tum tih thlenga ngaihtuah chiang turin a fuih a ni.
.jpeg)
Hma lam hunah mawhphurhna la ngam mi puitling ni turin a fuih bawk a. An hma huna chona leh harsatna lo thleng thei hmachhawn turin zirna a pawimawh tih sawiin, huaisenna leh dawhtheihna nei tur leh an hun tawng mil zela insiamrem thiam mi ni turin khuallian chuan a chah a ni.
.jpeg)
Khual zahawm Pu Remlalliana Hnamte chuan Naga te hi hmarchhak hnam te ah chuan mi kawm thiam leh hawihhawm an ni a, Mizote pawhin an hnen atangin zirtur tam tak an nei a ni, a ti. Mizo leh Naga khawtlanga intluktlanna kan neih thin chu politics boruak inlumletin a tidanglam ta veka; chu chu neih let vek thei ni tawhlo mahse vawina zirlai naktuka ram hruaitu leh officer ni tur te hian dikna leh rinawmna nen engemaw chen kan siamtha leh thei ang, a ti a. Mizorama an awm chhungin Mizo tihdan tha leh chinphung te zir chhuak turin a chah bawk.
Vawiin programme ah hian NSUM President Eno Kelengulie Kenguruse chuan kal khawmte lawmna thu a sawi a. NSUM Vice President Eli Rebeka Lohe chuan presentation a pe a. Central YMA aiawhin Pu Lalnunfela Hlawndo, Executive Committee Member in thu a sawi bawk a. Naga Christian Fellowship Pastor Imtinungit Lemtur chuan freshers-te tana tawngtai hun a hmang a ni.
.jpeg)
.jpeg)
.jpeg)
.jpeg)
.jpeg)
.jpeg)
.jpeg)
.jpeg)
.jpeg)
.jpeg)
.jpeg)
.jpeg)
.jpeg)
.jpeg)
.jpeg)
.jpeg)
.jpeg)
.jpeg)
.jpeg)
.jpeg)
.jpeg)
.jpeg)
.jpeg)
.jpeg)
.jpeg)
Tags
News