Hnahthial Post | Aug 28, 2026, Hnahthial: Zanin khan YMA Sub-Hqrs Hnahthial Office, Bazar Veng-ah YMA Sub-Hqrs Hnahthial Conference-in a lo rel bawhzui nan lemchan tawi insiam siak 2026 neih a ni a, thupui atan, "Aia upa zah pawimawhna/hlutna" hman a ni a, hetah hian YMA Sub-Hqrs Hnahthial huam chhung atangin Branch YMA pathum an tel a ni.
He hunah hian YMA Sub-Hqrs President, Pu H Hmingthanzuala chuan thusawiin, YMA Sub-Hqrs rorel bawhzuina a, lemchan insiam siak a tel zawng zawngte chungah lawmthu a sawi a, aia upa zah pawimawhna leh an hlutna te a sawi bawk a ni.
Lemchan insiam siakah hian, Electric Branch YMA chu pakhatna niin, Chanmari Branch YMA pahnihna an ni a, Peniel Branch YMA chuan pathumna lawmman an la bawk a ni.
Heng bakah hian lawmman dang siam niin chungte chu:-
- Best Actor: K Laltihlima, Chanmari Branch YMA
- Best Supporting Actor: F Lalhlimpuia, Electric Branch YMA
- Best Actress: Zoremsiami, Peniel Branch YMA
- Best Supporting Actress: Babie Malsawmzuali, Peniel Branch YMA
- Best Script Writer: Lalpekhlua, Electric Branch YMA
Tags
News
SYMA huam chhunga branch tam tak zingah Branch 3 chiah an tel a. Result leh a movie te han en hnuin Tute nge Judge-te hriat a chakawm ta hle mai.😂 A thupui khi a judge-te ber hian an hrethiam lo ni ngeiin a lang. 😂😂🤦 "Aia upa zah inzirtirna" ni lovin "Aia upa zah pawimawhna/hlutna" a ni tih khi an hre lo em ni aw?
ReplyDelete