ÊK KHAL (Constipation) Constipation tih hian êk khal, ék sak bakah e khât lutuk pawh hi a huam tel a. Ék khal hi riltë leh rilpuia tihråwl a chêt muan lutuk vang leh, ril puiin kan thil eite atanga tui a hip nasat vang a ni deuh ber, pum nuam lo leh hnawh deuh úl te, êk khal leh sak tak te a awm duh a. E zo hleithei lova inhriatna te a awm bawk thin a ni.
Êk khal awm chhante:
- Aluminum, iron leh calcium telna damdawi ei vang.
- Ei leh in thlak thut vang.
- Tui in tlem vang.
- Dietary fiber tamna chaw ei tiem vang.
- Taksa chêt tiem vang.
- Êk nêmna damdawi ei nasat lutuk vang.
- Bawnghnute atanga siam eiphung ei nasat lutuk vang.
- Èk chhuak insûm thin vang.
- Ril pui cancer.
- Pum nuam lo leh na benvawn, êk khal leh kawthalo inthlak thleng thin hi. (Irritable bowel syndrome)
- Rila thazâm leh tihrawl natna.
- Raipuarah.
- Kum upat lamah
- Codeine phosphate telna khuh damdawi, opium ngaihna etc.
A enkawina:
- A hmasa berin, a awm chhan laka inven leh inthiar fihlim a pawimawh.
- Tui in tam tur a ni.
- Dietary fiber tamna thlai hnah leh thei ei tam tur a ni.
- Insawizawi tam tur a ni.
- Ék němna damdawi ei rei loh tur a ni.
- Vawi khat a chaw el teuh loh tur a ni.
- Zu, meizial leh hmawmsawm insûm tur a ni.
- Bawnghnute atanga siam eiphung ei tlem tur a ni etc.
Khawizu thirfiante khat leh nimbu tui thirfiante hnih tui lum no khatah telha in thin a tha a. Thingfanghma ei tam hi êk khal tan a tha bawk a ni. Êk khal enkawi nan Homeopathic leh Ayurvedic damdawi tha tak tak a awm bawk.
[News update awlsam taka i dawn theih nan, WhatsApp Channel hi lo join ve ta che: https://whatsapp.com/channel/0029Va5SRQ77dmeSCGESWy0d ]
Share it with your friends!
[Feedback at: chiefeditorhnahthialpost@gmail.com]
[For Advertistment contact: +91 9774 771 645]
HNAHTHIAL POST
Hnahthial Insta Facebook:
Hnahthial Insta (Instagram):
Hnahthial Post YouTube:
Hnahthial Post Twitter:
Tags
Hriselna Huang