Hnahthial Post | 9th November, 2024: Anti Corruption Bureau (ACB) leh Aizawl Police Station-a duty-te chuan nimin khan Mizo Students Union (MSU) President Samuel Zoramthanpuia an man a; nimin vek khan court-ah hruai niin, court thu angin Central Jail-ah dah luh a ni.
Thu dawnnain a tarlan danin, ACB chuan Samuel Zoramthanpuia hi sum tihchingpen thubuaiah an man a, chumi hnuah Aizawl PS-a duty-te'n mi hrên (kidnap) leh, vauna hmanga mi pawisa chhuhsak (extortion) thubuaiah an man ve leh bawk.
Samuel Zoramthanpuia hi nimin khan Aizawl District Court-ah hruai nghal a ni a; court thu angin Central Jail-ah dah luh a ni. Thubuai an ziah luhna dan tlawhchhante chu non bailable (bail theih loh) a nih thu, thu dawnna chuan a sawi.
Thu dawn danin, ACB-in MSU President an man chhan chu - kum 2022-a 'Project Mizoram (Covid-19 Relief Fund)' hminga MSU Gen.Hqrs.-in Health and Family Welfare department kaltlanga Rs 50,00,000 (nuai 50) an dawn hman a nih dan avang leh, Myanmar raltlante hriselna kawnga buaipui thintu pawl Chin Health Organisation (CHO) kaltlanga MSU-in damdawi leh medical equipment chỉ hrang hrang leina tur sum an hmuh Rs 15,13,000 hman danah a ni.
Sum hman danah hian thil fel tåwk lo a awm niin ACB chuan complaint an dawng a, sorkar chuan September 9, 2024 kha preliminary enquiry tih phalna ACB a pe.
ACB preliminary enquiry report-in a chunga tarlan thilah hian thil felhlel a awm tih a finfiah avangin regular case siam phalna ACB-in sorkarah a dil leh a; sorkar phalna angin ACB Police Station-ah October 17, 2024 khan thubuai ziah luh a ni.
ACB-in an chhui tawh chinah MSU-in pawisa an dawn laia General Secretary Samuel Zoramthanpuia, tuna MSU President ni mek chu a mawhphurtu berah ngaih a ni.
Aizawl PS-in an man chhan chu - hnam dang company-a thawk MSU pisaah an hréng a, vauna hmanga pawisa chhuhsak thubuaiah a ni. He thil thlen lai hian Samuel Zoramthanpuia hi MSU President a ni tawh a ni.
[News update awlsam taka i dawn theih nan, WhatsApp Channel hi lo join ve ta che: https://whatsapp.com/channel/0029Va5SRQ77dmeSCGESWy0d ]
Share it with your friends!
[Feedback at: chiefeditorhnahthialpost@gmail.com]
[For Advertistment contact: +91 9774 771 645]
HNAHTHIAL POST
Hnahthial Insta Facebook:
Hnahthial Insta (Instagram):
Hnahthial Post YouTube:
Hnahthial Post Twitter:
Tags
News