Thisen sang natna hi kan hre theuh awm e. Blood pressure hi normal ah chuan 120 hnuaiah 80 a ni a, chu aia sang deuh leh hniam deuh pawh a awm thei a. WHO (World Health Organisation) in thisen sang a tih chin hi chu 140/90 mmHg hi a ni.
Thisen sang chuan lung natna hrang hrang an thlen theih bakah stroke hial te pawh an thlen thei a ni. Chumai bakah kan taksa organ pawimawh tak tak te an ti chhe thei a ni. Thisen sang hi Ayurvedic chuan Raktagata Vata tih a ni a, rakta chu thisen tihna a ni a, Vata chu che vel tihna a ni.
Thisen sang awm chhan:
- Kum lo upat chhoh hian thisen hi lo sang chho ve zel thei a ni.
- Hmeichhia a bikin thi hul hnuah thisen sang nei an tam duh.
- Nu leh pa, thisen sang te tan an fate leh zelah neih na chance a tam thei a ni.
- Thau (Obesity) zir chianna chuan mi cher aiin thau ho ah hian thisensang a awm duh bik a ni an ti.
- Meizial zuk, chi al leh sa lam ei tam, zu in mi ah te a awm duh bik.
- Stress nei nasa ho ah te, Nu indanna ei ho te, thisen sang neihna chance a tam hle a ni,
A inven dan:
- Breathing exercise: Cortisol hi stress hormone an ti bawk thin a, breathing mumal taka hunbi a neih thin hian cortisol level a ti hniam in, thisen sang nei mi tan a tha em em a ni.
- Siro Dhara (Chal a oil far tir): Ayurvedic Medicated oil kha frequency mumal takin chal ah far tir tur a ni a, Stress a tizia in mi a ti hahdam hle a ni.
- Siro Abhyanga (Lu awmze neia medicated massage): Hei pawh hi a hma ang thovin, mi a ti hahdam, stress a tiziaawm thei a ni.
Tih loh turte:
- Zuk leh hmuam lampang.
- Zu leh caffeine tamna lampang.
- Chi al, sa lam leh mawm lutuk ei.
- Zan men rei leh mut tlem lutuk.
- Thau lutuk leh rih lutuk.
- Zan mut that leh mut hma.
- Breathing exercise regular leh mumal taka neih thin.
- Castor oil 25-30ml leh bawnghnute no khat (1) pawlh a, zan mut dawn a in thin tur.
- Thisen sang invenna atana tha te: - Phuihnam, Cumin (Jeera) seeds, Theibuhfai, Tawkte, Changkha, Purunvar, Chengkek leh a dangte.
AYUSH Doctor chawh nilo Homeopathic emaw Ayurvedic damawi te hi mahni thua ei mai a him lova, AYUSH Doctor-te chawh ngei chauh ei tur a ni.
Issued by | National AYUSH Mission: Directorate of AYUSH Government of Mizoram
[News update awlsam taka i dawn theih nan, WhatsApp Channel hi lo join ve ta che: https://whatsapp.com/channel/0029Va5SRQ77dmeSCGESWy0d ]
Share it with your friends!
[Feedback at: chiefeditorhnahthialpost@gmail.com]
[For Advertistment contact: +91 9774 771 645]
HNAHTHIAL POST
Hnahthial Insta Facebook:
Hnahthial Insta (Instagram):
Hnahthial Post YouTube:
Hnahthial Post Twitter:
Tags
Hriselna Huang