"Kan sakhua, kan ram leh hnam chhan theia kan tanrual theih lai hian kan inchhir lohna turin i tangrual ang u," - Pu Lalbiakzama, INC Official Candidate, MP(LS)

Hnahthial Post | 6th April, 2024: Mizoram a Member of Parliament (Lok Sabha) inthlanna neih turah Political Party hrang hrang ten Campaign beihpui thlak chho mekin nimin (5th April, 2024) khan Hnahthial Bazar kawnah Congress party Candidate Pu Lalbiakzama chuan vantlang inkhawm hmangin, "Kan sakhua, kan ram leh hnam chhan theia kan tanrual theih lai hian kan inchhir lohna turin i tangrual ang u," a ti.

Kum tam tak BJP Sorkar kal chhoh dan a zir thu Congress Candidate Pu Lalbiakzama chuan sawiin, "BJP Sorkar hnuaiah kan ram, kan hnam, kan sakhua a him loh em avangin BJP leh a thawhpui ten ro an rel lohna turin theihtawp chhuaha do turin ke ka rawn pen a ni," tiin a hunlaia kan ram, kan hnam leh sakhua hi humhalhna chang kan hre lo a nih chuan kan tu leh faten min la dem dawn niin a sawi bawk. 2024 India ram inthlanpuiah BJP in hnehna a chang leh a nih chuan Uniform Civil Code hi duh lo hle mah ila, min hman tir dawn niin Pu Lalbiakzama chuan a sawi a, "UCC min hman luihpui an tum a nih chuan kan ramah thisen a luang dawn a. BJP leh a lamtangte hi Kristiante hian kan do hneh ngei ngei tur a ni," tiin Mizo Kristian zawng zawngte chu BJP do tura theihtawp chhuahpui tur leh tawngtaipui turin a sawm nghal a ni.

He huna thusawi dang MPCC General Secretary, Pu Joseph Lalhimpuia, ex-MLA chuan, Hnahthial in District thar an nei chu lawmawm a tih thu sawi rualin Office tam tak Lunglei atanga la enkawl a la ni hu hmasawnna ruhrel mamawhna a sang hle tih a sawi a, HPC Vice-Chairman a nih laiin hmasawnna tam tak Hnahthial tana thawh a nih thu a sawi a, Sawrkar hmasa atanga HPC fund Hnahthial tan a hman theih ni ta lo chu mak a tih thu a sawi bawk.

He huna inkhawm hi Pu Lalhmingliana, President, South Tuipui Block-I Congress Committee chuan a kaihruai a ni.

[News update awlsam taka i dawn theih nan, WhatsApp Channel hi lo join ve ta che: https://whatsapp.com/channel/0029Va5SRQ77dmeSCGESWy0d ]

Share it with your friends!

[Feedback at: chiefeditorhnahthialpost@gmail.com]

[For Advertistment contact: +91 9774 771 645]

HNAHTHIAL POST

https://www.hnahthialpost.com/?m=1

email:  chiefeditorhnahthialpost@gmail.com

Hnahthial Insta Facebook:

https://www.facebook.com/Hnahthial-Insta-100512749038560/

Hnahthial Insta (Instagram):

https://instagram.com/hnahthial_insta?utm_medium=copy_link

Hnahthial Post YouTube:

https://youtube.com/channel/UCdcyim-h2tsYLB0s_XtXRdQ

Hnahthial Post Twitter:

https://twitter.com/hnahthialinsta9?t=c6ZfilwGorsHzLw1kPnqXQ&s=09