Hnahthial Post | 20th January, 2025: India rama legislature hrang hrang (Parliament, State leh UT) te khaikhawmtu committee sang All India Presiding Officers’ Conference (AIPOC) vawi 85-na, Bihar Legislative Assembly, Patna, Bihar a neih a ni a. Mizoram atangin State Legislative Assembly Speaker Pu Lalbiakzama leh Mizoram Legislative Assembly Secretariat official te an tel a ni. He Assembly hi naktuk January ni 21 ah neih chhunzawmin ni hnih chhung a awh dawn a ni.
He Conference hawnna hi Lok Sabha Speaker Pu Om Birla chuan neiin, ‘Practice and Procedure of Parliament’ 8th Edition chu a tlangzarh nghal bawk a. Legislative body te’n rorelna kalphung chak zawk, felfai leh awlsam zawk siam theih nan technology changkang zawk hman tangkai theih dan tur chungchang sawiho a ni.
Conference thupui ah ‘75th Anniversary of Constitution: Contribution of Parliament and State legislative bodies in strengthening constitutional values” thlan a ni a. Speaker hrang hrang te’n Constitution pawimawhzia leh vawnhim kawnga hmalak a tul zia an sawi hlawm a ni.
All India Presiding Officers' Conference (AIPOC) hmasa ber hi kum 1921 khan Shimla ah neih a ni a. Bihar ah tihian tum thum neihna a ni tawh thung. He Conference hi Parliament leh State Legislative assembly te’n India Constitution vawnhim kawnga an mawhphurhna leh kalphung hrang hrangte sawihona hmun a ruat a ni.
[News update awlsam taka i dawn theih nan, WhatsApp Channel hi lo join ve ta che: https://whatsapp.com/channel/0029Va5SRQ77dmeSCGESWy0d ]
Share it with your friends!
[Feedback at: chiefeditorhnahthialpost@gmail.com]
[For Advertistment contact: +91 9774 771 645]
HNAHTHIAL POST
Hnahthial Insta Facebook:
Hnahthial Insta (Instagram):
Hnahthial Post YouTube:
Hnahthial Post Twitter:
Tags
News