Hnahthial Post | 20th January, 2025: State Election Commission, Mizoramin Local Council leh Village Council Inthlanpui, 2025 a puan tak avangin Lunglei District huam chhungah Model Code of Conduct (MCC) chu hman ṭan nghal a ni a. January ni 17, 2025 khan Lunglei District Election Officer Pi Navneet Mann chuan inthlanna thianghlim leh felfai neih a nih theih nan he'ng a hnuaia thupekte hi political party leh candidate zawng zawngte zawm atan a chhuah.
1. Sawrkar building, hmunhma emaw, vantlang building leh hmunhma (Community Hall, khelmual, bazar, etc.) ram hungna leh bangah thuziak, poster, banner leh flag ang chi reng reng tar phal a ni lo.
2. Kawngpui dungah gate siam emaw, kawngpui hrula banner tar phal a ni lo.
3. Political party emaw, candidate-in sawrkar leh mipui hmunhma, building-a poster tar, thuziak tar/bel, banner, flag leh a dangte an tarin an bel a nih chuan Deputy Commissioner/District Election Officer chuan tireh turin emaw, la thla turin thu a pe ang a, a tartu chuan thupek zawmin hma a la vat lo a nih chuan thuneitute'n Model Code of Conduct Monitoring Team kal tlangin a ṭul angin hma an la ang.
A chunga thupek zawm lote chu The Mizoram Prevention of Defacement of Property Act, 1955 tlawh chhanin an chungah hremna lek kawh a ni ang.
[News update awlsam taka i dawn theih nan, WhatsApp Channel hi lo join ve ta che: https://whatsapp.com/channel/0029Va5SRQ77dmeSCGESWy0d ]
Share it with your friends!
[Feedback at: chiefeditorhnahthialpost@gmail.com]
[For Advertistment contact: +91 9774 771 645]
HNAHTHIAL POST
Hnahthial Insta Facebook:
Hnahthial Insta (Instagram):
Hnahthial Post YouTube:
Hnahthial Post Twitter:
Tags
News