Union Defence Minister-in Border Roads Organisation (BRO) hnuaia Infrastructure Project 125 a hawng; Project Pushpak, Aizawl hnuaia Project 3 a tel ve

Hnahthial Post | December 9, 2025, Leh: Ni 7 December, 2025 (Pathian Ni) khan Union Defence Minister Pu Rajnath Singh chuan D-S-DBO Road, Ladakh-ah online-in Border Roads Organisation (BRO) hnuaia infrastructure project 125 a hawng a. Hen’g project-te hi Lt. Gen. Raghu Srinivasan, PVSM, VSM hnuaia kalpui niin, India ramri hnaih state leh Union Territory hrang hranga leilung chhengchhe tak tak kara thiamna sang leh remhriatna hmanga siam kawngpui 28, lei 93 leh a dang 04 a tel a ni.

He hawnna hun hi Member of Parliament (Lok Sabha) Pu Richard Vanlalhmangaiha, Member of Parliament (Rajya Sabha) Pu K. Vanlalvena leh Chief Engineer, Project Pushpak (GREF) Pu Rajeev Dua-te pawhin an office atangin video link hmangin an chhim a. He’ng project-te hian ram humhimna leh ramri hrula hmun kilkhawr tak takte nena inpawhna tha zawk siam a tum a ni.

He'ng project 125-te zingah hian Project Pushpak, Aizawl hnuaia project 3 a tel ve a. Chu’ngte chu:

1. Construction of Zawlingling-Mawhre-Sapi (Z-M-S) road between km 30.00 to Km 38.150,

2. Tuichanglui Bridge (70 mtr Span Steel Superstructure Bridge) located at Km 126.300 on Lawngtlai-Diltlang-Parva (L-D-P) road leh

3. Gausan Bridge (40 mtr Span Steel Superstructure Bridge) located at Km 130.900 on Lawngtlai-Diltlang-Parva (L-D-P) road te a ni.

He’ng kawngpui tharte leh lei tharte hian kumtluana hmun kilkhawrte pawh theihna a siam dawn a. BRO hotute chuan he’ng project-te a hun taka zawh a ni thei hian India hmarchhaka leilung chhengchhe tak leh khaw chhe karah pawh an pawl chu ramri hrula hmunte tihchangtlunna lamah a inpe hle tih a tilang tih an sawi a. Pu Rajeev Dua, Chief Engineer kaihhruaina hnuaia Project Pushpak project 3-te hian Mizoram chu India leh Myanmar inrinaa hmun pawh harsa tak takte nen a zawm a. Khawtlang leh eizawnna lama hmasawnna a thlen dawn bakah khaw tam taka mipui chengte tan inkalpawhtawnna tha a siam dawn bawk a ni.

[News update awlsam taka i dawn theih nan, WhatsApp Channel hi lo join ve ta che: https://whatsapp.com/channel/0029Va5SRQ77dmeSCGESWy0d ]

Share it with your friends!

[Feedback at: chiefeditorhnahthialpost@gmail.com]

[For Advertistment contact: +91 9774 771 645]

HNAHTHIAL POST

https://www.hnahthialpost.com/?m=1

email:  chiefeditorhnahthialpost@gmail.com

Hnahthial Post Instagram:

https://www.instagram.com/hnahthial_post?igsh=YmgwczBkaHYyNg==

Hnahthial Insta Facebook:

https://www.facebook.com/Hnahthial-Insta-100512749038560/

Hnahthial Post YouTube:

https://youtube.com/channel/UCdcyim-h2tsYLB0s_XtXRdQ

Hnahthial Post Twitter:

https://twitter.com/hnahthialinsta9?t=c6ZfilwGorsHzLw1kPnqXQ&s=09