Hnahthial Post | December 6, 2025, Hnahthial: Gov't Hnahthial College NCC chuan nimin khan an College Seminar Hall-ah tun hnaia BSF tling thar an Cadet 2 - Lalngaihzuali, Bazar Veng Hnahthial leh C Zorinpuii, Bazar Veng Hnahthial te lawmpuina hun buatsaihin 2 Mizo Battallion NCC headquarters atangin Commanding Officer, Lt Colonel Sagar Mohanty leh staff dang 3 ten an hmanpui a ni.
He hun hi Gov't Hnahthial College a Asst.Prof. leh NCC a CTO ni bawk Dr Lalrinpuia Vangchhia chuan kaihruaiin an zirlai leh Cadet atanga eizawnna ngelnghet nei tura hlawhtlinna hmu thar an awm chu lawmawm a tih thu leh chhuanawm a tih thu sawiin an kal zelna turah nun uluk takin rinawmna leh taimakna vawng nung tlat turin a fuih a, dinhmun tha zawk luah zel thei tura inbuatsaih zel turin a chah bawk a ni.
Lt Colonel Sagar Mohanty Commanding Officer pawhin Mizo thalai te chu Sipai lam hna ngaihven zual tura a duh thu sawiin NCC chu sipai atan mai bakah State chhung hna chi hrang hrangah a pawimawh zia a tarlang a, Chakma ten NCC an ngaihpawimawh zia leh hna pawh an hmuh nasat em em lain Mizo, a bikin Chhim lam ten NCC an ngaihpawimawh tawk loh zia leh hna a tam ang hu in lut pawh an tlem thu a sawi a, High School, Higher leh College a NCC te zawm a, tangkai taka hmang turin a chah a, duhsakna a hlan nghal bawk a ni.
BSF a tling thar Lalngaihzuali hi Gov't Hnahthial College-ah hian 5th Semester (Geography) zirlai niin NCC-ah hian Senior Under Officer (SUO) a kai hman a ni. C. Zorinpuii hian kumin khan Gov't Hnahthial College atangin BA (English) a zo a, NCC-ah Junior Under Officer (JUO) a ni hman bawk a ni. An pahnih hian Gov't Hnahthial College NCC te chuan lawmpuina thu ziak an hlan bakah Lt.Colonel Sagar Mohanty pawhin thilpek a hlan bawk a ni.
[News update awlsam taka i dawn theih nan, WhatsApp Channel hi lo join ve ta che: https://whatsapp.com/channel/0029Va5SRQ77dmeSCGESWy0d ]
Share it with your friends!
[Feedback at: chiefeditorhnahthialpost@gmail.com]
[For Advertistment contact: +91 9774 771 645]
HNAHTHIAL POST
Hnahthial Post Instagram:
Hnahthial Insta Facebook:
Hnahthial Post YouTube:
Hnahthial Post Twitter:
Tags
News