Lungleiah kutdawhte dinhmun siam ṭhatna atana sawrkar laipui ruahmanna SMILE kalpui dan tur sawi ho a ni

Hnahthial Post | November 6, 2025, Lunglei: Vawiin khan Lunglei District Bawrhsap Pi Navneet Mann hovin a hna thawh pindanah Lunglei District chhunga sawrkar laipui Ministry of Social Justice & Empowerment hnuaia kutdawhte dinhmun siam ṭhatna tur ruahmanna, "SMILE - Support for Marginalised Individuals for Livelihood and Enterprise" kalpui dan tur sawi ho a ni.

Bawrhsap Pi Navneet Mann chuan SMILE chu vantlang zinga dinhmun chhe zawk (marginalised individual)-te'n nun khaw chhuahna leh eizawnna ṭha an neih theih nana an dinhmun siam ṭhatna tura sawrkar laipui ruahmanna a nih thu sawiin, he hma lakna hi Lunglei khawpui chhungah pawh kalpui tur a nih thu a sawi a. Scheme kalpui dan tur ruahmanna tlangpui sawi fiahin, Lunglei khawpui chhungah he scheme hi hlawhtling taka kalpui a nih theih nana rawtna hrang hrang leh hma lak dan turte sawi ho zui a ni.

SMILE kal tlanga hma lakna turah hian Lunglei khawpui chhunga kutdawh awm zat zir chian (survey) hmasak tur niin, kutdawhte dinhmun leh nihphung (profile) chhinchhiahna aṭangin ID Card siamsak an ni ang a. Kutdawh ngai lova eizawnna leh mahni intun nunna an neih theih nan thiam thil zirtirna leh kaihhruaina bakah, a ṭul anga hma lakpui chhunzawmna tur te he scheme hnuaiah hian ruahman a ni bawk ang.

Lunglei khawpui chhunga hma lakna bul ṭan nan veng pali - Bazarveng, Chanmari, Electric Veng leh Venglaiah te zir chianna kalpui hmasak ni se tih niin, survey team pali din phawt a ni dawn a. Zir chianna hi January ni 15, 2026 hmaa zawh fel hman tura ruahman niin, zir chianna dinhmun azirin hma lak zel dan tur chu ruahman zui a ni ang.

[News update awlsam taka i dawn theih nan, WhatsApp Channel hi lo join ve ta che: https://whatsapp.com/channel/0029Va5SRQ77dmeSCGESWy0d ]

Share it with your friends!

[Feedback at: chiefeditorhnahthialpost@gmail.com]

[For Advertistment contact: +91 9774 771 645]

HNAHTHIAL POST

https://www.hnahthialpost.com/?m=1

email:  chiefeditorhnahthialpost@gmail.com

Hnahthial Post Instagram:

https://www.instagram.com/hnahthial_post?igsh=YmgwczBkaHYyNg==

Hnahthial Insta Facebook:

https://www.facebook.com/Hnahthial-Insta-100512749038560/

Hnahthial Post YouTube:

https://youtube.com/channel/UCdcyim-h2tsYLB0s_XtXRdQ

Hnahthial Post Twitter:

https://twitter.com/hnahthialinsta9?t=c6ZfilwGorsHzLw1kPnqXQ&s=09