Hnahthial Post | January 10, 2026, Hnahthial: Vawiin khan Hnahthiala Mizoram Baptist Kohhran hrang hrang te'n Missionary Day chu urhsun takin an hmang a, Kohhran thenkhatin nimin (10 January, 2026) khan Missionary Day lawmna ruai an ṭheh a ni.
Zo-Sap Missionary te Mizorama an thlen champha Missionary Day chu Hnahthial khawchhunga Baptist Kohhran chuan urhsun takin vawiin khan an hmang a, Kohhran Pathian Biak Inkhawm, zai khawm leh ruai ṭhehin Missionary Day hi an lawm a ni. Missionary Day ni hi Pathian Ni a nih avangin Kohhran thenkhat chuan nimin (Inrinni) khan ruai nen an lawm a, Kohhran thenkhat erawh chuan ni 12 January, 2026 Thawhṭan Ni lama ruai ṭheh tum an awm bawk.
Vawiin Missionary Day Pathian Ni khan, Mizoram Baptist Kohhranah chuan, "Pathian thu lo hrilhtute che u chu hre reng ula" Hebrai 13:7 tih thupuia thlan sa hmangin thuchah ngaihthlak a ni.
Tags
News