Hnahthial | 1st July, 2023: Mizoram sorkar ruahmanin nimin khan District Hospital Hnahthial-ah Remna Ni 2023 pualin Ni 2 awh tur 'Free Health Camp' neih tan niin Pi Esther Lalruatkimi, Principal Secretary Health & Family Welfare Deptt chuan Khuallian niin a hawng a, "Doctor leh khawl mamawh lo turin keimahni theuhin kan taksa kan vawn fel a tul a ni" tiin tihdam aiin inven a tha zawk tih hrereng turin mipuite a chah a ni
Mizoram in Health Minister atan Dr. R. Lalthangliana kan nei chu vanneihthlak a tih thu Khual- lian Pi Esther Lalruatkimi chuan sawiin "Covid-19 lai khan ani hi kan Healh Minister ni lo se chu kan dinhmun a chhe khawp ang, Mizoramah Covid avanga damlo ten damdawi In khum chan loh an nei lova, Qxygen tlakchham avanga thi an awm miah lo te kha a hma- lakna rah liau liau a ni" tiin Hnahthial Damdawi In tih changtlunna tura ruahmanna hrang hrang a sawi bawk
He hun hi Dr. Lalmalsawmi Sailo, Director Hospital & Medical Education chuan kaihruaiin Hnahthial District bawrhsap Pu R. Lalremsanga chuan an District-ah ni hnih awh Free Medical Camp buatsaih a ni chu lawmawm a tih thu sawiin Hnah- thial District dinhmun tlangpui a tarlan bakah District Hospital Hnahthial tih changtlun zel nan hma lakpui turin Health Department hotute a ngen a ni. He hunah hian Dr. Eric Zomawia, MD, National Health Minssion pawhin thu sawiin Dr. Lalrengpuii Ralte, CMO Hnahthial in lawmthu sawiin hun a khar a ni.
Hnahthial-a Free Health Camp buatsaihah hian Civil Hospital Aizawl leh ZMC atangin doctor thiam tak tak 14 ten damlo te an en a, Mi 2000 vel an inziak lut niin hriat a ni
Tags
News