Gov't. Hnahthial College-ah Special Campaign on SSR-2023 nei

Hnahthial | 25th August, 2023: Government Hnahthial College Auditorium-ah vawiin khan Election Commission of India (ECI) hmalakna peng pakhat Systematic Voters’ Education & Electoral Participation (SVEEP), kaltlangin Special Campaign on Special Summary Revision-2023 neih a ni a, Hnahthial District SVEEP Nodal Officer Pi K Ngosai chu resource person niin electoral registration leh participation chungchang sawizauna a nei.

Dr Lalrinpuia Vangchhia, Asst Professor, Govt Hnahthial College kaihhruai inkhawm tawi buatsaihah hian Pi K Ngosai chu?n thu sawiin electoral roll-a inziahluh theih dan leh a pawimawh thu te a sawi a. 2018 a General election a 29-South Tuipui Assembly Constituency-a vote thlak (voter turn-out) chu state average aia a san thu tarlangin kumin election-ah a aia tam turn-out neih an tum tih tarlangin mipui tawiawmna a ngen nghal bawk a ni.

Vawiin campaign-ah hian DEO office Hnahthial ten Electronic Voting Machine (EVM) demonstration nei nghalin zirlai naupang leh a duh apiang ten vote thlak huna inrintawkna nen an thlak theih nan EVM machine bún niin zirlai naupang tam tak tên an thlak chhin bawk. Mipui vantlang hrilhhriatnan leh ram leh hnam tan vote thlak huna ke penchhuak ve tura sawmna ‘Video’ tawi siam nghal niin local cable leh social media a upload turin zirlai naupang leh kalkhawm tên auhla hi an sawi rual a, hun hlawkthlak tak hman ho niin hun khar a ni.

Hnahthial Insta Community

follow us on:

hnahthialinsta19.blogspot.com

Hnahthial Insta Facebook:

https://www.facebook.com/Hnahthial-Insta-100512749038560/

Hnahthial Insta (Instagram):

  https://instagram.com/hnahthial_insta?utm_medium=copy_link

Hnahthial Insta YouTube:

  https://youtube.com/channel/UCdcyim-h2tsYLB0s_XtXRdQ

Hnahthial Insta Twitter:

  https://twitter.com/hnahthialinsta9?t=c6ZfilwGorsHzLw1kPnqXQ&s=09