Kum nga danah kan ram, kan bial hmasawnna thlentu tur, a sulsutu tur, bial mipui hmasawnna tura ngaihtuahna seng a, hma la thei tu tur, Bialtu MLA kan thlang leh dawn a, Bial tan mai bakah ram tana mi tangkai leh ramin nasa taka hma a sawn theihna tura ngaihtuahna seng a, ngaihtuah thiam, ngaituah peih leh ngaihtuah nachang hria kan thlang dawn a ni a, tunlai hi chutiang ngaihtuah thiam mi thlan tur ngaituah hun lai leh inzawrh hun lai a ni a, 'kan tha' an inti vek a, chuvangin mipuiin ngaihtuahna kan sen ve a ngai hle a ni.
Hmasawnna tluantling kan neih theih nan Political party Campaign tu ten Campaign auhla an neih that a țul hle mai a, lehlam party sawichhiat vak vak te, Candidate mimal emaw an chhungkua emaw, that lohna sawi chiam chiam te hi tunlaiah chuan thil fuh ber a ni tawh lo, chuvangin lehlam pawl sawi chhiat vak vak te leh chakna tura midangte hun kal tawh, hla tak taka an chhiatna lai sawi lan te hi thil fuh ber a ni lem lo. Political party te hi inzuar thiam hle se la, mipui hip thei tur leh mipui rin ngam theih turin inzuar sela, midang emaw party dang emaw na tak tak a sawisel vak vak hian mi rilru a hneh lo a, mipuiin an vote duhna tura an party Candidate leh an party an sawi mawi thiam a țul hle a ni. Midang rilru la tur chuan dik taka thiltih a ngaihzia te hi hre thar leh ila, midangte theihnghilh theih tawh loh tur khawpa chhiaa inpuh leh indiriam hi paih ila, dik tak leh fel takin, midangte ngaichang thiam tak leh zawldawh takin uluk tak leh fimkhur takin i Campaign ang u
Thu hmuhna: Calathea daily Newspaper, Volume - 33, Issue No.2, dt 17th October, 2023)
Hnahthial Insta Community
follow us on:
Hnahthial Insta Facebook:
Hnahthial Insta (Instagram):
Hnahthial Insta YouTube:
Hnahthial Insta Twitter:
Tags
Article