Hnahthial Post | June 13, 2026, Aizawl: Ni 12 June, 2026 (Zirtawpni) dar 11:00 a.m khan MZP Sub-Headquarters Vairengte buatsaihon "Mizo Zirlai Ti ṭha Chawimawina" hun hman a ni. He hunah hian Er MS Dawngliana, SDO, P&E chuan khuallian niin a hmanpui a, Pu Sanghmingthanga, Vice President MZP GHQ chuan uaptu niin a hmanpui bawk a ni.
Vice President, Pu Sanghmingthanga chuan thusawiin MZP hi 1935 atang Mizo zing a mi lehkha thiam hmasa leh chal lang tak tak ten an din thu sawiin, ram buai lai a sorkar in MZP chak lutuk vang a MZP an bandh thu a sawi a, chuti chung chuan MZP chu chelh din zawh rual lohin a dinna ngai Zirlaite, Ram leh hnam tan a ai nasa a ke a pen thu a sawi a ni.
Sorkar-in HSLC leh HSSLC-ah top 10 an tarlan tak loh hnuah pawh MZP chuan Mizo zing a ti tha zual top 10 te chu chawimawina hun an la hman tho thu a sawi bawk a ni.
Mizo te Central Service ah lut kan tlem sawt em avangin MZP leh NESO tangkawp chuan kum tin mi 2 UPSC coaching kal turin kan sponsor ziah thu leh tun ai nasa a zir a Central Service kher lo State dangah thawk turin zirlai kal khawmte chu a fuih bawk a ni.
Ramri chungchang sawi tel in Mizoram zirlai te hian kan ramri hi kan hriatchian lehzual a tul hle a,vai ho in min chuh hi kan do zel tur ani. Vairengte pawh ramri a awm ni in an pawimawh leh zual zia a sawi bawk a ni.
Pu Nangsawmthanga, Finance Secretary, MZP GHQ pawh in thusawi na hun nei in Nu leh pa te chuan kan fate an zirna kawng ah tha tak a kan tawiawm a ngaih thu a sawi a.Zirna ah hian lungthu pathum awm in nu leh pa te, zirtirtu leh zirlai te an nih thu sawiin, heng lungthu pathum te hi a kal khawm theih hi a pawimawh thu a sawi a ni.
He hunah hian MZP Gen-Hqrs atangin Pu Ricky Lalzawma,NESO Coordinator, Malsawmzela, Secy i/c Sports & Adventure, Hmingthanzaua, secy i/c Library & Property te'n an ṭawiawm bawk a ni.
Tags
News