Hnahthial Kohhran Joint Committee (HKJC) || Inthlanpui Thuchah.

Hnahthial Kohhran Joint Committee (HKJC) chuan thla thar ni 7th November, 2023-a MLA inthlanpui lo awm turah mipuite hriat tur thu chah.

India khua leh tui dik tak kan nih angin inthlanna a vote thlak hi kan mawhphurhna a ni a, Vote nei zawng zawngte vote thlak vek turin kan in sawm a ni.
Sum leh pai hmanga vote zawn leh mahni vote hlu tak suma hralh te hi kan kristianna nena inmil lo a nih avangin tih loh nise.
Ram hruaitu tha, Pathian tih mi ngei kan thlan chhuah theihna turin Pathian rawn chungin vote i thlak ang u.
Politics tui nu ruihchilhna lakah inthiarfihlim ngei turin Kohhran mi zawng zawngte kan inngen a ni. Tawngkam bawlhhlawh leh dawt thu hmanga inchirhtheh te hi tih loh nise.
Mimal leh chhungkua hamthatna tur aia kan ram, Mizoram pumpui thatna tur ngaihtuah chungin vote i thlak ang u.
Mizo, Kristian, Pathian ringtu kan nihna hre reng chungin vote i thlak ang u.
MLA inthlan lo awm tur atan hian Kohhran mite a tam thei ang ber tawngtai turin kan inngen e.