Hnahthial | 17th October, 2023: Mizo Zirlai Pawl Headquarters Hnahthial chuan vawiin 17.10.2023 Thawhlehni khan Baptist English School Hnahthial tlawh in school chanchin te zawtfiah in hmalakna tur hrang hrang te Staff te nen an sawi ho. Tin, MZP Headquarters Hnahthial chuan BES Hnahthial tan hian a ṭul apianga an lo hman atan Soundbox thar a pe bawk a ni.
He hun hi Tv Laldinliana Principal BES in kaihruai in MZP Hqrs OB te hnenah an school chanchin te a sawi a,MZP Hqrs President Jimmy Lalrosanga leh Secretary C Rodingliana te'n thu sawi in,MZP Chu Zirlai te leh Ram leh hnam tan a ding zel dawn a, MZP hian kuang bik a nei lova Ram leh hnam himna tur anih chuan hma an lak zel tur thu te, Zirlai te tana an din tlat tur thu te an sawi a ni.
School tlawh Programme ah hian MZP Headquarters hruaitute hi Appointed Secretaries te leh ECM ten an ṭawiawm ṭha hle ni.
Baptist English School tlawh anih hnu hian MZP Hqrs hruaitute chuan District Bawrhsap Pu Chuauhnuna a Pisa ah an hmu leh nghal a,MZP Headquarters Hnahthial Pisa tih changtlun zelna tur te, MZP Library chungchang te leh hmalak zel na tura thil pawimawh tak tak sawi ho a ni a,inkhawmna hun hlimawm leh nuam tak neih a ni a. Tin, Hnahthial District chhunga zirna tih hmasawn dan tur chungchang te sawi ho a ni bawk. District Bawrhsap Pu Chuauhnuna pawhin MZP te hmalakna fakawm an tih thu leh theihtawpa hma a lak ve zel tur thu a sawi bawk a ni.
MIZO ZIRLAI PAWL: Headquarters Hnahthial
Hnahthial Insta Community
follow us on:
Hnahthial Insta Facebook:
Hnahthial Insta (Instagram):
Hnahthial Insta YouTube:
Hnahthial Insta Twitter:
Tags
News