Kum 5 danah MLA kan thlang thin a. thlan fuh leh thlan fuh loh hian Bial hmasawnna atan kawngro a su hle mai a. chuvangin a thlang theitu mipui hian kan khaw tan, kan bial tan, kan ram tan tu nge tha ber ang tih ngun taka ngaihtuah chunga vote kan thlak hi a pawimawh hle a ni.
Khaw tin, Bial tin leh ramin hmasawn a duh a, chutih laiin khua leh Bial hmasawnna tura MLA kan thlan fuh loh chuan mi khua ten nasa takin min tlan pel leh dawn tihna a ni a, tun dinhmunah Hnahthial Bial chu District khawpui thar kan ni a, hmasawnna tur tam tak kan la nei a, hmasawnna ruhrel inbun mek, la tih famkim lo, la dah loh, leh dah tawh pawh tihchangtlun ngai tam tak a la awm a, chak taka District-in hma a sawn theihna tur kan ngaihtuah a ngai.
Chutih laiin mipui nawlpuiin kan mamawh em em Electric line tha lo lutuk tih thatna turah pawh hian chak taka hmalak a ngai a, hei hi mutmawh hnarmawha kan neih a ngai a ni. Zirna lamah pawh tun aia kan khua leh kan Bialin hmasawn kan ngai a, kan Sikul upgrade ngai te leh tun aia result tha lehzuala tan lakte pawh a tul, Infiamna hmun hma tha chi hrang hrang nei tura tan lak te a ngai dawn chauh a, heng bakah pawh hian thil dang tam tak bial tana hmasawnna tur sawi tur a awm, chung hmasawnna hnathawk thei tur, a ngaihna hria, thawk thiam leh thawk thei tur MLA tha tak kan thlan chhuah ngei theih nan mipuiin rilru sengin vote i thlak vek ang u.
Thu hmuhna: Calathea daily Newspaper Volume-34 Issue No.8, Dt 24th October, 2023 Thawhlehni
[News update awlsam taka i dawn theih nan, WhatsApp Channel hi lo join ve ta che: https://whatsapp.com/channel/0029Va5SRQ77dmeSCGESWy0d ]
Hnahthial Insta Community
follow us on:
Hnahthial Insta Facebook:
Hnahthial Insta (Instagram):
Hnahthial Insta YouTube:
Hnahthial Insta Twitter:
Tags
Article