Ram hruaitu leh ram roreltu thlan chungchangah hian mipui hian rilru thar pua a pawimawhzia leh a hlutzia hriaa vote kan thlak ngei hi kan tih tur leh kan mawhhurhna a ni tih i hre thar leh ang u.
Mi ṭhenkhat, a bik takin khaw-puia cheng, lehkha thiam pui pui leh sumdawng hausa, Politics-a hamṭhatna um lem lo leh Politics ngaihsak lem lo ten vote thlak an ngaihsak lo hle a, vote tla percent pawh a hniam phah fo ṭhin a ni. Engati nge vote thlak an ngaih pawimawh loh kan tih chuan, ram hruaitu ten ram an hruai dan enin vote thlak an phur lo, vote thlak an chak lo niin an sawi ṭhin a, hetiang a nih avangin ram hruaitute pawh an inenfiah angai hle a ni.
Ram roreltu thlan hi kan tih makmawh a ni a, vote neih te hi a hlut tehlul nen, chubakah tihluihna leh inrikrapna tel hauh lova mahni duhna ngeia vote han thlak te hi a hlut tehlul nen, kan la ti ṭha peih lo a, hei hi chu a ram hmangaih loh thlakin khua leh tui ṭha nih lohna pakhat a ni. Khua leh tui ṭha ram leh khawtlang hmangaihtute chuan vote hi kan thlak ngei tur a ni a, mahni chhia leh ṭha hriatna hmangin ram leh khawtlang tana roreltu tha tur nia kan rin te chu kan vote ngei hi kan tih ngei ngei tur a ni. Ram hmasawnna ṭha, ei leh bara intodelhna leh kawng hrang hranga hmasawnna hi kan vote chhuak thei a ni tih hriain vote nei chin tawh chuan vote i thlak ngei ang u.
Thu hmuhna: Calathea daily Newspaper Volume - 33 Issue No. 6 Dt. 21st October 2023 (Inrinni)
Hnahthial Insta Community
follow us on:
Hnahthial Insta Facebook:
Hnahthial Insta (Instagram):
Hnahthial Insta YouTube:
Hnahthial Insta Twitter:
Tags
Article