ECI-in Vote chhiar ni sawn tum lo; Pathianni a vote chhiar turin inbuatsaih

Hnahthial Post | 17th November, 2023: Vanglaini-in a tarlan danin Election Commission of India (ECI) chuan Mizoram Legislative Assembly inthlanpui November 7, 2023-a neiha vote tlate chhiar hun tura a ruat tawh chu sawn tura ngenna dawng mah se, on sown down lo tih antichiang tawh. December 3, 2023-a vote chhiar turin Mizoram Election department chu an inbuatsaih mek.

Vanglaini thu dawn danin, Mizoram chief electoral officer (CEO) Mahdup Vyas chuan tun hnai khan Delhi- ah ECI hotute a kawma, Mizoram inthlanpuia vote chhiar hun tura ruat December 3, 2023 (Pathianni) chu tihdanglam a nih dawn loh thu an lo hrith a ni.

Mizorama kohhran, tlawmngai pawl leh political party hrang hrangte chuan vote chhiar hun tura ruat December 3 chu Pathianni a nih avangin sawn turin tum eng emaw zat ECI an ngen tawh a, awmzia a nei ta lo a ni.

Tartan tawh angin, vote chhiar ni sawn tura ngenna an thien chungchangah hian tlawmngai pawlte chuan Mizoram CEO-in ngaichang tura a ngen angin an nghak riba, this awm dan azirin hmalak zui an tum.

Vanglaini palai zawhna chhangin NGO Coordination Committee secretary leh Central YMA general secretary Dr Malsawmliana chuan, vote chhiar hun sawn tura ngenna chu an ngaihven reng tih a sawi a, "CEO-in ngaichâng turin min ngen a, tunah chuan kan la ngaichâng rih a ni ber," a ti.

Dr Malsawmliana chuan, Mizoram CEO Madhup Vyas chu Delhi lamah a kal tih sawiin, "Tun kar tàwp lamah chuan a rawn haw chhoh kan ring a, a thu rawn hawn azirin hmalak zel dan tur kan la rél ang," a ti a; CEO-in ngaichâng tura a tihnaah an nghah chen turah thu chiang an la neih loh thu leh, a țul a nih chuan Delhi- ah ECI hotute pawh an la dawr a rinawm thu a sawi a ni.

Vote chhiar ni sawn a ni dawn lo tih a chian tâk avang hian NGO Coordination Committee chu an hmalak zel dan tur ngaihtuahin an thukhawm leh ang.

Thu hmuhna:    https://www.vanglaini.org/tualchhung/106046

[News update awlsam taka i dawn theih nan, WhatsApp Channel hi lo join ve ta che: https://whatsapp.com/channel/0029Va5SRQ77dmeSCGESWy0d ]

Share it with your friends!

[Feedback at: chiefeditorhnahthialpost@gmail.com]

[For Advertistment contact: +91 8798 189 682]

HNAHTHIAL POST

https://www.hnahthialpost.com/?m=1

email:  chiefeditorhnahthialpost@gmail.com

Hnahthial Insta Facebook:

https://www.facebook.com/Hnahthial-Insta-100512749038560/

Hnahthial Insta (Instagram):

https://instagram.com/hnahthial_insta?utm_medium=copy_link

Hnahthial Post YouTube:

https://youtube.com/channel/UCdcyim-h2tsYLB0s_XtXRdQ

Hnahthial Post Twitter:

https://twitter.com/hnahthialinsta9?t=c6ZfilwGorsHzLw1kPnqXQ&s=09