Hnahthial | 1st November, 2023: Mizoram Kohhran Hruaitute Committee (MKHC) chuan MKHC leh pawl hrang hrangin Mizoram inthlanpui vote chhiar hun sawn tura Election Commission of India (ECI) an ngennaah ECI aṭanga chhanna a la awm loh avângin hmalak zel dan tur sawihopuiah pawl hrâng hrâng an sâwm.
MKHC ni 30th October, Thawhṭan zana ṭhukhawm chuan inthlan vote chhiar sawn tura an ngenna ECI-in tun thlenga an la chhan loh avangin hmalak zel dan tur an ngaihtuah a; MKHC chauhin hma la loin, NGO Co-ordination Committee, Mizoram Peoples Forum leh Political Party te nen hma an lak ho theih nan hma an lak dan tur sawi hopuiah an sawm a ni.
MKHC Joint meeting neih hun atan 2nd November Ningani zan leh a hmun atan Synod Office-a Devotion Hall an ruat a; pawl hrang hrang aṭangin aiawh mi pathum aia tlem lo tel turin an ngen a ni.
[News update awlsam taka i dawn theih nan, WhatsApp Channel hi lo join ve ta che: https://whatsapp.com/channel/0029Va5SRQ77dmeSCGESWy0d ]
Hnahthial Insta Community
follow us on:
Hnahthial Insta Facebook:
Hnahthial Insta (Instagram):
Hnahthial Insta YouTube:
Hnahthial Insta Twitter:
Tags
News