MZP-in MSB Pisa kai tur dang; Scho pek chhuah vat an phut

Hnahthial Post | 16th November, 2023: MZP chuan Scho pekchhuah vat phuta lungawi lohna tukin dar 8 atang khan an chhunzawm a; Mizoram Scholarship Board (MSB) pisa kai tur an dang

MZP President H Lalthianghlima chuan, "Vawiina kan thil tih bian awmzia a la neih loh chuan na zawkin kan kal zel ang" a ti,

Scholarship pekchhuah vat phuta November 14 atang khan pungkhawmin, ni hnih boruak muanawm tak hnuaia an punkhawm tawhin awmzia a neih loh vangin zirlaite hian tukin 8 atang khan Mizoram Scholarship Board (MSB) office kawtah pungkhawm lehin MSB pisa kai tur an dang ta a ni.

Hetihlai hian MSB thawktute hi an kal lova, pisa kai tuma kal hmuh tur an awm lo niin a hmuna awm te chuan an sawi.

MZP chuan zirlaite chanvo scholarship pawisa sept 25 a sawrkar sum bawma lut tawh, tun thlenga pekchhuah la ni lo chu hriatthiam har tiin lungawi lohna hi an lantir ta a ni.