Hnahthial Post | 10th November, 2023: Zoram Medical College Faculty Doctors Association (ZFDA) chuan vawiin November ni 10, 2023 hian a vawi khat nan Annual Conference chu Academic Block, ZMC ah neih niin, Prof Dibakar Chandra Deka, Vice Chancellor, Mizoram University chu khuallian a ni.
He Conference hi ZFDA president ni lai Dr. Lalrinfelan kaihhruiaiin, Rev. J. Lalbiaknia ZMC chaplain chuan Pathian hnenah a hlan. Khuallian Prof Dibakar Chandra Deka hnen atangin thusawi ngaihthlak niin, ZFDA 1st Annual Conference a khuallian atana an sawm anih leh Zoram Medical College chu Mizoram University hnuaia affiliated college anih chu lawmawm a ti a, ram hmasawnnan chuan discpline hrang hrang thawhhona a pawimawh zia sawiin, ZMC faculty te chu, Mizoramin hriselna lama hma a sawn zel theih nan leh MBBS zirlai te chu doctor tha tak an lo ni theih nan theihtawp chhuahzel turin a chah a ni.
Conference ah hian ZMC din theih nan leh hmasawn nana lo thawhhlawk tawhte chawimawina hun hman ani bawk a, Prof L. Fimate, Former-Director, ZMC, Dr. John Zohmingthanga, Director leh Dr. Jane R. Ralte, Registrar te chu chawimawi anni. He conference ah hian rorel hun neih anih bakah, ZFDA Hruaitu thar thlanna hun neih ani a, term thar 2023-2025 ZFDA Office Bearers atan Dr. Lalrinfela, Dr. Benjamin Lalrinpuia, Dr. C. Vankhuma, Dr. Samuel Lalhruaizela Vuite, Dr. Zothansangi leh Dr. Betty Laldintluangi te chu thlan tlin niin, post hi nakina siam rem tur a ni.
ZFDA General Secretary ni lai Dr. Benjamin Lalrinpuia hnen atangin ZFDA hmalakna hrang hrang report ngaihthlak anih bakah, Finance Secretary Dr Samuel Lalhruaizela Vuite hnen atangin finance report ngaihthlak ani bawk.
Hei bakah Continuing Medical Education (CME) neih niin, Dr C. Vankhuma, Dr. R Lalrinmawia, Dr. Christina Zosangpuii leh Dr. Lynda B Zohlupuii te hnen atangin thupui pawimawh tak tak ngaihthlak ani a. Vice President Prof Zoramthara Zadeng hnen atangin Vote of thanks ngaihthlak niin he conference hi khar a ni.
[News update awlsam taka i dawn theih nan, WhatsApp Channel hi lo join ve ta che: https://whatsapp.com/channel/0029Va5SRQ77dmeSCGESWy0d ]
Hnahthial Post Community
follow us on:
Hnahthial Insta Facebook:
Hnahthial Insta (Instagram):
Hnahthial Post YouTube:
Hnahthial Post Twitter:
Tags
News