Hnahthial Post | 30th December, 2023: Nimin (29th December) khan Art & Culture Minister Pu C. Lalsawivunga chuan Vaphai khuaa Thlangtlak Mual tlawhin hmalaknate leh hmachhawpte a enfiah.
Art & Culture Minister Pu C. Lalsawivunga chuan Thlangtlak Mual tihhmasawn leh cheithat kawnga bultantu mi thahnemngai tak takte hmalakna leh thawhrimna ropui tiin, an tawiawmnaah lawmthu a sawi a. Thlangtlak Mual hlutna leh tangkaina hi thangtharte'n an hre zelin a rinawm a, a mimal tak pawhin helai hmun tihhmasawnna atan hian ngaihtuahna ka seng nasa ve em em a, Department hotute pawh ka sawi pui tawh a, Art & Culture Department leh Tourism Department tangkawpin a tihchangtlun dan tur kan ngaihtuah zel dawn a ni, a ti a. Hmasawnna ruhrel leh ruahmanna siam dawnin a tawi berah kum 50 tal thlir tel a ngaih thu sawiin, theihtawp chhuaha tha kan thawh chuan chumi aia rei pawh a daih beisei a nih thu a sawi a. Lungrual taka ke kan penho zelin hma kan la tlang zel dawn a ni, a ti bawk.
Thlangtlak Mual hi April ni 1, 2013 ah a lung phum a ni a. Vaphai Village Council leh NGO te'n a enkawl hna an thawk a. Vaphai Thlangtlak Mual Committee din niin tunah hian committee member 44 an awm mek a ni.
[News update awlsam taka i dawn theih nan, WhatsApp Channel hi lo join ve ta che: https://whatsapp.com/channel/0029Va5SRQ77dmeSCGESWy0d ]
Share it with your friends!
[Feedback at: chiefeditorhnahthialpost@gmail.com]
[For Advertistment contact: +91 8798 189 682]
HNAHTHIAL POST
Hnahthial Insta Facebook:
Hnahthial Insta (Instagram):
Hnahthial Post YouTube:
Hnahthial Post Twitter:
Tags
News