Hnahthial Post | 11th December, 2023: Cabinet Minister Pu Vanlalhlana, PWD, Transport leh Parliamentary Affairs Department-te enkawltu chuan vawiin khan MINECO ah a Office (Room No 109 leh 110) chu a luah lut a, hemi pual hian hun tawite hman nghal a ni.
Minister Pu Vanlalhlana chuan mipui rawng a bawlna kawng chu kum 40 kalta 1983 ah khan a tan thu te, a kalkawng a thui hle thu te, ram leh mipui rawng a bawl tum dan leh hemi kawnga thil a lo tih tum dante chu Pathian leh mipui zarah a ti ve thei dawn ta chu lawmawm a tih thu a sawi a. Ram leh mipui hmasawnna atana theihtawp a chhuah zel dawn tiin a sawi a. Department lian leh pawimawh tak enkawl tura mawhphurhna pek chu chona lian tak a ni dawn a, mipui rawngbawlna leh ram siamna kawnga thurawn leh fuihna te a mamawh hle dawn tiin a sawi bawk.
He hunah hian Pastor Lalremruata Ralte in hunserh hmangin Pisa thar leh thawktute hlanna hun a hmang a. Kalkhawmte atangin lawmpuina leh fuihna thusawi ngaihthlak a ni bawk.
[News update awlsam taka i dawn theih nan, WhatsApp Channel hi lo join ve ta che: https://whatsapp.com/channel/0029Va5SRQ77dmeSCGESWy0d ]
Share it with your friends!
[Feedback at: chiefeditorhnahthialpost@gmail.com]
[For Advertistment contact: +91 8798 189 682]
HNAHTHIAL POST
Hnahthial Insta Facebook:
Hnahthial Insta (Instagram):
Hnahthial Post YouTube:
Hnahthial Post Twitter:
Tags
News