Hnahthial Post | 28th December, 2023: Commerce & Industries Ministries Pu F. Rodingliana chuan vawiin chhun dar 12:00 khan Industrial Growth Centre (IGC), Luangmual chu tlawhin hmalaknate leh hmachhawpte a enfiah.
He hunah hian Commerce & Industries Minister Pu F. Rodingliana chuan Ministry of Micro, Small & Medium Enterprises (MoMSME), Govt. of India hnuaia Rainwater Harvesting Project thawh zawh tawh chu tlawhin a enfiah a. MoMSME hnuaia hnathawh lai mek Flatted Factoring Project chu a hmunah ngei tlawhin, PM-Gati Shakti Scheme hnuaia hnathawh hmabak Internal Road siamna tur leh Power Distribution tih changtlunna turte tlawhin hnathawh dan tur Official-te a sawipui bawk.
He hunah hian Commerce & Industries Minister Pu F. Rodingliana chuan Industrial Growth Centre, Luangmual ram chhunga allotment pek tawh a taka hma la lote chu hma an lak loh chhunzawm zel chuan allotment cancel sak an nih tur thu a sawi a. Dan lova ram lo luah (Unauthorised Occupants) zawng zawngte pawh chhuah tir vek tura hma la turin thuneitute a hriattir bawk.
Minister hi Commerce & Industries (C&I) Department Director, Addl. Director bakah P&E Department atangin bialtu EE leh Official dang ten an tawiawm a, Industry Owners Association hruaituten lo hmuin tul leh pawimawh an tih angte an lo thlen bawk a ni.
[News update awlsam taka i dawn theih nan, WhatsApp Channel hi lo join ve ta che: https://whatsapp.com/channel/0029Va5SRQ77dmeSCGESWy0d ]
Share it with your friends!
[Feedback at: chiefeditorhnahthialpost@gmail.com]
[For Advertistment contact: +91 8798 189 682]
HNAHTHIAL POST
Hnahthial Insta Facebook:
Hnahthial Insta (Instagram):
Hnahthial Post YouTube:
Hnahthial Post Twitter:
Tags
News