Hnahthial Post | 1st December, 2023: Vawiin khan November ni 7, 2023-a Mizoram Legislative Assembly Inthlanpui, 2023 buatsaiha Hnahthial District chhunga Assembly bial awmchhun 29-South Tuipui (ST) AC vote tlate chhiar tura ruat, Counting Supervisor-te leh Counting Assistant-te tan DC Conference Hall, Hnahthial-ah training thawh hnihna buatsaih a ni.
He training hi 29-South Tuipui AC Returning Officer Pu Lalvenhima hova neih niin District Election Office, Hnahthial chu vote chhiar turin a inpuahchah fel thawkhat tawh tih a sawi a, vote chhiar chu inthlan hmawr bawkna leh a hlawhtlinna lan chhuahna a nih angin, counting official atana ruatte chu an mawhphurhnate ?ha taka hlen chhuak turin a chah bawk.
He hunah hian State Level Master Trainer Pu Neng Thianlala, SDO (S), Hnahthial chuan inthlan vote chhiar dan kalphung leh vote chhiarnaa hriat tur pawimawh hrang hrang a zirtir a. EVM-a vote tla chhiar dan leh form dah khah dan a taka enchhin niin, zawhna leh chhanna leh sawi hona hun hman ho a ni. Kumin inthlanpui result hi December Ni 3 a chhiar tura ruahman a ni a, zing dar 8 atangin Postal ballot vote chhiar tan ni dawnin Hnahthial District chhunga Polling Station 27 awmte chu Round 3 a chhiar zawh tura ruahman a ni.
[News update awlsam taka i dawn theih nan, WhatsApp Channel hi lo join ve ta che: https://whatsapp.com/channel/0029Va5SRQ77dmeSCGESWy0d ]
Share it with your friends!
[Feedback at: chiefeditorhnahthialpost@gmail.com]
[For Advertistment contact: +91 8798 189 682]
HNAHTHIAL POST
Hnahthial Insta Facebook:
Hnahthial Insta (Instagram):
Hnahthial Post YouTube:
Hnahthial Post Twitter:
Tags
News