Hnahthial Post | 20th January, 2024: District Election Office, Hnahthial chuan vawiin khan Special Summary Revision 2024 pualin Systematic Voter’s Education & Electoral Participation (SVEEP) hnuaiah special campaign Tuipui-D ah an nei a, PwD voter te e-roll a an inziahluh theih leh kum 18 tling thar te e-roll a inziahluh theih nana he hun hi buatsaih a ni.
Election Commission of India (ECI) chuan kum 18 tling tawh chin chu mahni a thutlukna siam thei tawh ah a ruat a, an dikna chanvo te ngaipawimawhin ram hruaitu tur thlan kawngah mitin intluktlanna a ngai pawimawh hle a ni. Chumi ti hlawhtling tur chuan SSR 2024 pualin vawiin campaign ah hian January ni 1, 2024 a kum 18 tling tur te tan e-roll a inziahluh hun hawn a ni a, e-roll a la chuang lo, kum tling tawh si tan mahni a in register dan te, siam that ngai siam that emaw, paih ngai paih leh a dangte inhrilhhriatna hun buaitsaih a ni. E-roll a inziahluh bakah PwD voter te tana ECI in a ruahhman hamthatna hrang hrang awm te leh awlsam taka an in ziahluh theih dan kawng te hrilhfiahna hun hman a ni bawk a ni. Vawiin campaign-ah hian roll a inziahluh dan kimchang leh voter helpline app hmandan flyer-te semchhuah a nih bakah signature campaign neih a ni bawk a, January ni 1 a kum 18 tling tur chin te an inziahluh vek theih nan he hun hi buatsaih a ni.
District Election Office, Hnahthial chuan kar hmasa khan Hnahthial Bazar-ah he street campaign hi lo nei tawhin hun hlawk thlak tak an lo hmang tawh bawk a ni.
[News update awlsam taka i dawn theih nan, WhatsApp Channel hi lo join ve ta che: https://whatsapp.com/channel/0029Va5SRQ77dmeSCGESWy0d ]
Share it with your friends!
[Feedback at: chiefeditorhnahthialpost@gmail.com]
[For Advertistment contact: +91 8798 189 682]
HNAHTHIAL POST
Hnahthial Insta Facebook:
Hnahthial Insta (Instagram):
Hnahthial Post YouTube:
Hnahthial Post Twitter:
Tags
News