Minister hovin Agriculture Department in kum 2023-24 hmalak dan tur sawiho

Hnahthial Post | 3rd December, 2023: Vawiin ni 03.01.2024 khan Agriculture Minister Pu P.C Vanlalruata hovin Agriculture Department hotute chuan kum 2023-24 chhunga Scheme hrang hrang hmanga hmasawnna hnathawh an kalpui dan tur sawiho hun an hmang.

Meeting hi Pu H. Lianzela, Secretary, Agriculture chuan kaihruaiin, Pu Vanlalthlamuana, Director, Agriculture Department-in Agriculture Department dinhmun tlangpui leh hmalakna hrang hrangte sawifiahna hun a nei bawk.

He hunah hian kut hnathawktute tana hamṭhatna Central Scheme chi hrang hrang Agriculture Department-in a kalpui mekte leh a hmachhawp mekte sawiho a ni a, kumthar 2024-25 a hmalak dan tur te pawh sawiho a ni bawk.

Meeting ah hian kut hnathawktute hamṭhatna tur, Ministry of Agriculture & Farmers Welfare hnuaia Scheme hrang hrang - Krishonnati Yojana (KY) leh Rashtriya Krishi Vikas Yojana (RKVY) Agriculture Department-in a kalpui mekte bakah Externally Aided Project (EAP) hnuaia FOCUS leh Green Ag hmalaknate leh District hrang hranga KVK hmalaknate thlirhona neih a ni bawk.

Agriculture Minister chuan Agriculture Department-a thawktu zawng zawngte kumthar 2024 chibai bukin kut hnathawktute hmakhua ngaia theihtawp chhuah turin a sawm ani. Minister hian Agriculture Marketing lamah nasa taka hmalak a ngaih thu a sawibawk a, hemi tihlawhtling tur hian a ṭul anga hmalak a nih tur thu a sawibawk. Thingtlang kut hnathawk ten an thlai thar awlsam zawka an hralhna turin Aizawl kawtchhuah ah Wholesale Market pali (4) din a nih tur thu a sawibawk a ni. Department-in kut hnathawktute hamthatna tur Scheme hrang hrang a kalpui mekte awmze nei lehzual a kalpui anih theih nan theihtawp chhuah turin officer kalkhawmte chu a chah bawk a ni.

[News update awlsam taka i dawn theih nan, WhatsApp Channel hi lo join ve ta che: https://whatsapp.com/channel/0029Va5SRQ77dmeSCGESWy0d ]

Share it with your friends!

[Feedback at: chiefeditorhnahthialpost@gmail.com]

[For Advertistment contact: +91 8798 189 682]

HNAHTHIAL POST

https://www.hnahthialpost.com/?m=1

email:  chiefeditorhnahthialpost@gmail.com

Hnahthial Insta Facebook:

https://www.facebook.com/Hnahthial-Insta-100512749038560/

Hnahthial Insta (Instagram):

https://instagram.com/hnahthial_insta?utm_medium=copy_link

Hnahthial Post YouTube:

https://youtube.com/channel/UCdcyim-h2tsYLB0s_XtXRdQ

Hnahthial Post Twitter:

https://twitter.com/hnahthialinsta9?t=c6ZfilwGorsHzLw1kPnqXQ&s=09