Hnahthial Post | 20th January, 2024: New Delhi-a cham mek Mizoram Legislative Assembly Speaker Pu Lalbiakzama chuan nimin (19th January) khan Pu Krishna S. Vatsa, Member, National Disaster Management Authority (NDMA) chu NDMA Bhavan, Safdarjung Enclave-a a Office-ah hmuin a kawm.
He hunah hian chhiatrupna thleng thei laka Mizoram a lo invenlawk theih dan tur bakah chhiatrupna thlengin nghawng nasa zawk a thlen theihte tihnep a nih theih dan (preparedness & mitigation) chungchanga thil pawimawh hrang hrangte an sawi dun a ni.
Speaker Pu Lalbiakzama chuan Pu Krishna S. Vatsa chu Mizoram dinhmun a taka hmuhpui turin a sawm a. Speaker sawmna angin kumin Furpui hma ngeia Mizoram tlawha rawn zin a tum thu Pu Krishna S. Vatsa chuan a sawi a, Mizoram dinhmun dik tak leh Mizoram tana thil tha zawk tur ni a a hriatte chu a hmun ngeia enhova kawhhmuh a inhuam thu a sawi bawk.
NDMA Member Pu Krishna S. Vatsa chuan National Earthquake Risk Mitigation Project (NERMP), Forest Fire Management Programme (FRMP) leh State Disaster Management Fund (SDMF) atangtein Fund thahnem tak pek a inhuam thu Speaker hi a lo hrilh a. Inrelbawl dan kalphung erawh a duhkhawp loh thu sawiin, insiamrem hmasak ngai ni a a hriat thu a hrilh bawk.
Speaker Pu Lalbiakzama hi Pu Alexander V. Chongthu, Addl. Resident Commissioner, Mizoram House, New Delhi leh Pu Rosangliana Chhakchhuak, Committee Officer, Mizoram Legislative Assembly Secretariat te'n an tawiawm a ni.
[News update awlsam taka i dawn theih nan, WhatsApp Channel hi lo join ve ta che: https://whatsapp.com/channel/0029Va5SRQ77dmeSCGESWy0d ]
Share it with your friends!
[Feedback at: chiefeditorhnahthialpost@gmail.com]
[For Advertistment contact: +91 8798 189 682]
HNAHTHIAL POST
Hnahthial Insta Facebook:
Hnahthial Insta (Instagram):
Hnahthial Post YouTube:
Hnahthial Post Twitter:
Tags
News