Hnahthial Post | 19th January, 2024: State Level Sub-Committee on Fire Prevention Committee chu vawiin chawhma dar 11 khan SAD Conference Hall-ah Pu Lalthansanga, Forest Minister kaihhruaina hnuaiah thukhawmin, kumin chhunga kangmei ven hapta hman dan tur leh kumin thal chhova hmalak dan tur hrang hrangte rel a ni. Pi Kamal Preet, Principal Chief Conservator of Forests, EF&CC Department chuan member kal zawng zawngte hnenah lawmthu a sawi a, Mizoram hi kangmei chhuah awlsamna ber pawl a nih avangin, hmalak nasat a ngaihthu a sawi bawk a.
Thukhawm chuan kangmei Ven Hapta hawnna chu February ni. 5, 2024 (Thawhtanni) ah Vanapa Hall-ah hman ni se, kangmei Ven Hapta chu February ni 5 atanga ni 9 thleng hman ni se tiin a rel. Hemi hapta chhung hian kangmei venna kawnga inzirtirna uar zawk a neih nih se tih a ni bawk a. Inzirtirna thehdarh nan print media mai bakah electronic media te hman ni se tih a rel a, Sorkar office leh zirna inah Kangmei Ven Hapta thutiam lak (pledge taking) neih vek ni se tih rawt a ni bawk.
Ram hal tur te chuan March ni 15, 2024 hma ngei a hal tur a nih thu leh hmunphiah hmun nei te erawh March ni 31 thleng hun pek an ni ang tih a rel a. Lengpui Airport leh a chhehvel khua te tan tlai lam dar 3:30 PM hnu lamah ram a hal tan theih ang tih a rel bawk.
Kum danga an lo tih tawh thin angin kangmei ven kawnga thawk tha District leh Village level-ah lawman buatsaih sak an ni bawk ang.
[News update awlsam taka i dawn theih nan, WhatsApp Channel hi lo join ve ta che: https://whatsapp.com/channel/0029Va5SRQ77dmeSCGESWy0d ]
Share it with your friends!
[Feedback at: chiefeditorhnahthialpost@gmail.com]
[For Advertistment contact: +91 8798 189 682]
HNAHTHIAL POST
Hnahthial Insta Facebook:
Hnahthial Insta (Instagram):
Hnahthial Post YouTube:
Hnahthial Post Twitter:
Tags
News