Hnahthial Post | 29th January, 2024: Vawiin 29th January 2024 (Thawhtan) khan ZO Reunification Organisation (ZORO) chuan MZP Conference hall-ah Chin Lushai Conference vawi 123-na an hmang a. He hun hi Pu R. Sangkawia, President in a kaihruai a, rorelna hun te neih a ni a, ZORO Patrone memberte chawimawina hun hman a niin, ZORO member kal an tha hle a ni.
Vawiin rorelah hian khawvel hmun hrang hranga Zofaten rorelna pakhat hnuaia awm hi kan duh em tih Zoram mipui ngaihdan (Referandum) lak tura rel a ni a. Zoram mipui tam zawkin rorelna pakhat hnuaia awm kan duh chuan United Nations Organisation (UNO)-ah thlen a, rorelna pakhat hnuaia kan awm theih nan chak taka hmalak tura rel a ni. ZO Inpui chungchang rel a ni a, chak taka bawhzui a Mizoram sorkar nen tang tlanga hmalak ni se tih a ni bawk.
India Sorkarin Burma leh India ramri hrul a zalen taka inkawl pawh theihna dan Free Movement Regime (FMR) tih tawp a tum chungchang leh India leh Burma hrul ramri hung a tum chu ZORO chuan tha lo a tiin a duh lo hle a, India Sorkar hian Zofate hi min thendarh a tum niah kan ngai a ni. Free Movement Regime (FMR) nuaibo tumna leh India leh Burma ramri hung tumna awm mek hi ZORO chuan a duh lovin a dodal zel dawn a ni. Kan duh loh zia lantir nan a meizang hlaptu bera ngaih Uion Home Minister Amit Shah lim hal a ni.
[News update awlsam taka i dawn theih nan, WhatsApp Channel hi lo join ve ta che: https://whatsapp.com/channel/0029Va5SRQ77dmeSCGESWy0d ]
Share it with your friends!
[Feedback at: chiefeditorhnahthialpost@gmail.com]
[For Advertistment contact: +91 9774 771 645]
HNAHTHIAL POST
Hnahthial Insta Facebook:
Hnahthial Insta (Instagram):
Hnahthial Post YouTube:
Hnahthial Post Twitter:
Tags
News