Hnahthial Post | 12th February, 2024: March Ni 1, 2024 a Chapchar Kut hman dan tur rela thutkhawm vawi hnihna chu vawiin khan DC Meeting Hall, Rallang tlang-ah District Bawrhsap Pu Chuauhnuna kaihhruaiin neih a ni.
Meeting kaihruaitu District Bawrhsap Pu Chuauhnuna chuan Chapchar Kut huaihawt tura ruat (Organising Committee) Sub-Hqrts YMA, Hnahthial te chu an hmalak tawhna leh hmachhawp an neihte report pe tura a tih angin report ngaihthlak ho a ni a, an harsatnate sawiin Meeting kaihruaitu chuan theihtawpa puihbawm an nih dawn thu a sawi. Organising Committee chuan report pein Sub-committee hrang hrang din a nih tawh thu te, an sum leh pai neih dan dinhmun te, Kut lawm ni a Hnahthial khaw chhung YMA branch tin atanga special item beisei a nih thu te tarlangin an inbuatsaihna hrang hrang tarlan a ni. Meeting kaihruaitu chuan Kut hlimawm tak leh tluang taka hman a nih theih nan Organising Committee-te chu theihtawpa inbuatsaih tura chahin an mamawh apiang sawi hreh lo tur in a chah bawk.
Vawiin thutkhawm-ah hian District Bawrhsap bakah Addl DC, SDO (S) , SDC leh Sub Hqrts YMA hruaitute a tel.
[News update awlsam taka i dawn theih nan, WhatsApp Channel hi lo join ve ta che: https://whatsapp.com/channel/0029Va5SRQ77dmeSCGESWy0d ]
Share it with your friends!
[Feedback at: chiefeditorhnahthialpost@gmail.com]
[For Advertistment contact: +91 9774 771 645]
HNAHTHIAL POST
Hnahthial Insta Facebook:
Hnahthial Insta (Instagram):
Hnahthial Post YouTube:
Hnahthial Post Twitter:
Tags
News