Hnahthial District Bawrhsap hovin 'World Consumer Rights Day' hman dan tur chungchang rel a ni

Hnahthial Post | 15th February, 2024: Vawiin chawhma dar 11:00 khan DC Conference Hall Hnahthial-ah Hnahthial District Bawrhsap Pu Chuauhnuna kaihhruaiin Hnahthial District Consumers' Union (HDCU) hruaitute nen meeting neiin March ni 15-a World Consumer Rights Day hman dan tur chungchang an ngaihtuah.

Meeting kaihruaitu District Bawrhsap Pu Chuauhnuna chuan kan hma lawkah World Consumer Rights Day kan thleng leh dawn ta reng mai a, hemi hi hman ngei nise tha kan ti a, chu vanga inko khawm chu kan ni tiin DC Office lam erawh MP Election an puan tawh dawn avangin election lamah an buai deuh tur thu a sawi a, chutih laiin he ni hi consumer ten an dikna chanvo an hriat theihna atana hman ngei erawh tha a tih thu a sawi.

Meeting chuan Hnahthial District Consumers' Union hruaituten World Consumer Rights Day hman dan tur hi lo duang se, chu chu DC office-a thlen ni se, DC hova ngaihtuah that leh nise tiin thu an dah a ni.