Hnahthial Post | 10th February, 2024: Pu Jeje Lalpekhlua, MLA South Tuipui chuan a bial chhung khua, Darzo, South Vanlaiphai, Muallianpui, Lungpuitlang leh New Kawnpui te vawiin leh nimin khan a tlawh chhunzawm a, bial mipui ten amah an dawr theihna turin heng hmun hrang hrang hian hun a hawng zel a, mipui, khawtlang hruaitu, NGO hruaitu leh party hruaituten mamawh an neih te a hnenah thlenin a ngaihthlak sak nghal zel a ni.
Heng hunah te hian thu sawiin Bialtu MLA Pu Jeje Lalpekhlua chuan, Pathian leh South Tuipui mipuite duhsakna changa MLA atana thlan tlin a ni ve ta chu lawmawm a tih thu leh bial mipuite duhsakna leh theihtawp chhuahpuina rah a nih thu sawiin lawmthu a hrilh a, Inthlan result puan a nih tirh khan bial fang a kal kual duh viau mahse training avanga a hman thei lawk lo chu pawi a tih thu a sawi a ni.
Pu Jeje Lalpekhlua chuan, hun kal tawhah khawtlang hruaitu VC ten an khawtlang MLA in an tlawh tur an hriat ngai loh thu an sawi hi a mak a tih thu leh keini chuan kan rawng ni lo VC te an nih pawhin kan hriattir zel dawn a, ZPM member-te tan chauh a MLA ni lova, South Tuipui mipuite tana MLA a ni tih hriat sak theuh tura chahin thlei bik nei lova hmalak a nih tur thu a sawi a ni.
Pu Jejea chuan Chief Minister Pu Lalduhoma a tan em avangin kawng hrang hrangah hmasawnna hmuh tur a awm mek zel a. Sawrkar kumthar ah kan bial pawhin hmasawnna hrang hrang kan hmu chho zel dawn tih hria in kan theihna zawn ah theuh theihtawp chhuah zel turin a sawm nghal a ni.
ZPM sawrkar hian zirna lam a hmasawn te, hriselna lam a hmawsawn te, ei leh bar a intodelh te, electric leh tui hnianghnar tura hmalak te, sports lam a hmasawn zual zel te, ramri leh tourism lam a hmalak te, sawrkar kalphung hrang hrang a hmasawnna te, mipuite kawng engkim a inrenchem leh zual turte, ruihhlo leh sualna hrang hrang a rem theih nan a hmalak te, inkal pawhna leh in biak pawhna tha leh zual tura hmalak te, ran vulh leh thlai chin lam a tan la thar turte leh ram pawn thleng a kan thlai thar chhuah te thawn chhuak turin hma nasa takin a la dawn a, hna te pawh a rawn chhuak dawn tu pawhin thawk se a tha tur a ni a, keini chuan hna thawk tha lo kan duh lova, kan mi leh sa te phei chuan a tha thei ang ber in kan thawk tur a ni a ti.
MLA chuan South Tuipui bial in hmasawnna tluantling a neih theihna tura hma an lakna kawng hrang hrangah amah tawiawm zel turte leh a tul dan a zir zela thurawn pe thin turte, kan ram hruaitute tawngtaipui thin turin a sawm nghal a. Dikna leh rinawmna nen he bial tana theihtawp chhuahpuiah a sawm bawk a ni.
[News update awlsam taka i dawn theih nan, WhatsApp Channel hi lo join ve ta che: https://whatsapp.com/channel/0029Va5SRQ77dmeSCGESWy0d ]
Share it with your friends!
[Feedback at: chiefeditorhnahthialpost@gmail.com]
[For Advertistment contact: +91 9774 771 645]
HNAHTHIAL POST
Hnahthial Insta Facebook:
Hnahthial Insta (Instagram):
Hnahthial Post YouTube:
Hnahthial Post Twitter:
Tags
News