Hnahthial Post | 5th March, 2024: Vawiin chhun khan Hnahthial District Bawrhsap Pu Chuauhnuna kaihhruaiin RGSA sum cheng nuai za hnih (Rs. 2 cores) hmanga District Panchayat Resources Centre leh Hostel sak endiktu Supervision and Monitoring Committee chu DC Office Chamber-ah an an thukhawm.
Thutkhawm kaihruaitu Hnahthial District Bawrhsap Pu Chuauhnuna chuan September thlaa zo tur a tih a nih laiin engemaw avangin thla khat lai hna thawk thei lovin a awm a, a rei berah October thla hmaa zawh tur a ni dawn a, tun dinhmunah a pumpuiah zaa sawmli pakhat (41%) vel zawh a ni tawh tiin building pahnih cheng nuai za ve ve, a vaiin cheng nuai zahnih (Rs. 2 cores) seng a sak mek a ni a, uluk taka vil a en zui reng a nih tur thu a sawi a, tun dinhmunah hna thawh pawh chak thawkhata a hriat thu a sawi a ni. DC chuan Hnahthial chu District thar a nih avangin hmasawnna hmel thar hmuh hlan an nghakhlel thin hle niin a sawi bawk.
He hunah hian Pu Lalchawimawia, Joint Director LAD pawhin District Bawrhsap in Monitoing lam ngai pawimawh a theih tawp a chhuahpuinaah lawmthu a sawi a, a hna kalhmang te sawiin Hnahthial-a hmun tha lai tak an neih theih avangin lawmawm a tih thu a sawi a, Building thlang zawk chu Hostel tur a nih thu leh Building chhak zawkah DLAO office bakah Auditorium te, Meeting Hall te a awm vek dawn niin a sawi bawk.
He hunah hian Aizawl Local Administration Department (LAD) atangin Pu Lalchawimawia, Joint Director, Pu Lalrinmawia, EE leh Pu Beitlotha Nohro, Lunglei DLAO bakah Contractor Pu Zothantluanga, Zothan Consultancy neitute an tel a, hnathawh an enfiah nghal bawk a ni.
Tags
News