Hnahthial Post | 22nd May, 2024: Public Health Engineering Department (PHED) Hnahthial WATSAN Division hnuaia Rallangtlang Hnahthial-a tui dahkhawlna tuizem lian (reservoir) an siam mek chu nimin (21st May) tlai dar 5:30 vel khan a chung slab an chhun mek laiin, a hnuai lama a dona in dawl lovin a chim a, vanneih thlak takin thi an awm lo.
He tuizem lian hi liter nuai 4.5 dawng tura sak niin fit 41 hawlhtlang, fit 16.5 a sang a ni a, a chhung hi Bazar Unit Thalai Kristian Pawl (TKP) chuan inhlawhna atan an chhung a, nilengin an chhung a, an chhung zo tep tih tlai dar 5:30 vel khan a hnuai lama a dona chuan zo lovin a chim ta a ni. A chim lai hian tuizem chhunga awm chhuah tum mek Malsawmtluanga, kum 22, Peniel chu a delh a, a ke pahnih delh bet mahse vanneihthlak takin hliam na lutuk nei lovin X-Ray-ah pawh ruh tliak a awm lova, damdawi inah pawh admit a ngai lo a ni. Mi 2 Lalvenpui, Peniel leh Kapengzauva, Bazar te pawh a chung atang hian an tla bawk a, vanneih thlak takin hliam na lutuk an tuar lova, Kapengzauva hian a keah hliam a nei a, ani pawh first aid pek a nih hnuah chhuahtir leh nghal a ni.
Thu dawn danin he tuizem lian siamna sum hi UD&PA sum PHED lamah an pek chhawn leh a ni a, cheng nuai 42 senga siam niin contractor Tanpuia, (TPA), Aizawl Melthum lam niin, ani hian PHE Department a enkawl chhawn tir a, department hian mistiri pakhat hnenah theka in an pe chhawng ve leh niin thu dawn a ni.
Thu hmuhna: Huihchhuk
[News update awlsam taka i dawn theih nan, WhatsApp Channel hi lo join ve ta che: https://whatsapp.com/channel/0029Va5SRQ77dmeSCGESWy0d ]
Share it with your friends!
[Feedback at: chiefeditorhnahthialpost@gmail.com]
[For Advertistment contact: +91 9774 771 645]
HNAHTHIAL POST
Hnahthial Insta Facebook:
Hnahthial Insta (Instagram):
Hnahthial Post YouTube:
Hnahthial Post Twitter:
Tags
News