Hnahthial Post | 7th May, 2024: Myanmar tualchhung buaina avanga raltlan Hnahthialah engemaw zat la awmin, Refugee Camp hmun then khatah a la awm a. Hnahthial Model venga refugee camp chu tun hnai thli leh ruah surah ti chhe nualin, Hnahthial South - I VC leh Model Branch YMA tangkawp chuan vengchhungah vehbur khawnin Raltlan camp hi sa tha turin ruahmanna siam mek a ni.
Tun dinhmunah Model Vengah hian Raltlan mi 26 awm mekin, an vaiin chhûngkaw 6 an awm a. Chung zinga chhungkaw 3 chu mi In luah niin chhungkaw 3 te hi Camp-ah an khawsa mek a ni.
Hetih lai hian mi in phal te hnen atangin tanpuina hi a lut nual tawh a, hetiangin:-
Hnahthial South - I VC - Rs 10,000/-
MLA South Tuipui - Rs 5,000/-
Suklet digital Studios - Rs 6,000/- niin a vaiin Rs 21,000/- a lut tawh niin thu dawn a ni.
Hnahthial Post zawhna chhangin Suklet digital Studios, Director chuan, "Suklet digital Studios-in din tirh a nih atangin kan pawisa khawl atanga mi harsa, tanpui ngaite tanpui nan hman turin ruahmanna kan siam a, tun hi kan hmanna tur niin kan ngai a, lungrual takin tanpuina hi kan hlan a ni,'' a ti.
[News update awlsam taka i dawn theih nan, WhatsApp Channel hi lo join ve ta che: https://whatsapp.com/channel/0029Va5SRQ77dmeSCGESWy0d ]
Share it with your friends!
[Feedback at: chiefeditorhnahthialpost@gmail.com]
[For Advertistment contact: +91 9774 771 645]
HNAHTHIAL POST
Hnahthial Insta Facebook:
Hnahthial Insta (Instagram):
Hnahthial Post YouTube:
Hnahthial Post Twitter:
Tags
News