Hnahthial Post | 9th May, 2024: Prof. Lalnilawma chuan,"Horticulture hi kan ram ei leh bar intodelh nana department pawimawh tak a ni a, ZPM policy tam zawk pawh hi horticulture department kutah a awm a ni. Sawrkar hian hmun hrang hrangah warehouse leh godown engemaw zat a nei a, heng te hi tangkai zawka hman dan kan ngaihtuah chho zel a, department dang nena tang kawpin thlai thar chhekkhawl nan te pawh hman dan kan ngaihtuah chho zel dawn a ni," a ti a."Kan rama thing leh maute chhawr tangkai dan tur kan ngaihtuah a, kan rama mau te hi quality tha tak tak a ni a, mau hmang hian thil tam tak a siam chhuah theih a, meihawl mai bakah furniture tha tak tak, ram pawna thawn chhuah theih khawpa tha a siam theih a, thalai hna zawng mekte leh heti lama talent nei tha tak takte tan kawl a eng zel dawn a ni," a ti bawk.
Dr KC Lalmalsawmzauva, Adviser to Chief Minister pawhin, "Kan ram ei leh bar a kan intodelh theih nan Mizoram sawrkar chuan theihtawp a chhuah a, thlai thar lei tur thlang chhuakin chu mi tihlawhtling tur chuan theihtawp a chhuah a ni. Mipuiah beiseina dik lo siam siam hi kan tum ve lova, kan tih theih ngei tur erawh chu chiang takin kan sawi a, hma pawh kan la mek a ni," a ti a."Kuthnathawktuten an thawhrim rah an seng ngei hi kan duh a, mipui ten kan lakah beiseina sang tak neiin ZPM min thlang tling a, mipute tih beidawn hi ZPM chuan kan tum lo a ni," a ti bawk.
Prof. Lalnilawma hi Pu Lalthazuala Rawite, Chairman, MIFCO in a tawiawm a, Horticulture Department atangin Director Pu CH Lalmuanpuia, Additional Director Pu Lalhmingmawia Pachuau, Secretary, Pi K Lalrinzuali, (IAS), Deputy Secretary Pi Lalremruati bakah staff thenkhatten an tawiawm bawk a ni.
[News update awlsam taka i dawn theih nan, WhatsApp Channel hi lo join ve ta che: https://whatsapp.com/channel/0029Va5SRQ77dmeSCGESWy0d ]
Share it with your friends!
[Feedback at: chiefeditorhnahthialpost@gmail.com]
[For Advertistment contact: +91 9774 771 645]
HNAHTHIAL POST
Hnahthial Insta Facebook:
Hnahthial Insta (Instagram):
Hnahthial Post YouTube:
Hnahthial Post Twitter:
