Hnahthial Post | 24th June, 2024: Mizo Zirlai Pawl Headquarters: Hnahthial chuan Gov’t Hnahthial Higher Secondary School-a Zirtirtu sawn chhuah aiawh dah ni lo Transfer Order sut tur leh School Principal ni mek sawn chhuak a, mi hrisel pangngai school awm chilh theitu dah tura Mizoram Sorkar, School Education Department-a ngenna la tih hlawhtlin loh kal zelah vawiin ni 24th June, 2024 khan Gov’t Hnahthial HSS Zirtirtu leh Zirlaite School kai tur dan chhunzawm a ni a. He hunah hian zirlaite bakah MHIP Sub -Hqrs Hnahthial leh MSU District Hqrs ten an tawiawm tha hle a ni.
MHIP Sub-Hqrs Hnahthial chuan, MZP hmalakna chu tha an tiin, an ni nu ho chuan an thlawp tlat thute sawiin, Zirlaite leh Zirtirtu te chu Hnahthial Zirna thla hniam mekah tan la thar leh turin an chah bawk. MSU District Hqrs Hnahthial President pawhin thu sawiin, Zirlaite chu Class kal thei loh mahse, zirna lamah tang turin a chah a. School Chawlh a nih loh avangin, In lamah pawh lehkha zir zel turin a chah a ni.
Gov't Hnahthial HSS-ah hian tun dinhmunah ZIrlai 150 vel awmin, Zirtirtu hi Economics leh Mizo Subject-ah 2 ve ve awmin, a bak zawngah hian Zirtiru 1 ṭheuh chiah an awm a ni.
Mizoram Sorkar, School Education Department atanga thu lawmawm hriat a nih hma loh chuan School kai tur hi dan chhunzawm zel tum a ni.
Chanchin buatsaih a nih lai hian Mizoram Sorkar, School Education Deptt atangin chanchin lawmawm hriat tur a la awm lo a ni.
[News update awlsam taka i dawn theih nan, WhatsApp Channel hi lo join ve ta che: https://whatsapp.com/channel/0029Va5SRQ77dmeSCGESWy0d ]
Share it with your friends!
[Feedback at: chiefeditorhnahthialpost@gmail.com]
[For Advertistment contact: +91 9774 771 645]
HNAHTHIAL POST
Hnahthial Insta Facebook:
Hnahthial Insta (Instagram):
Hnahthial Post YouTube:
Hnahthial Post Twitter:
