Hnahthial Post | 13th June, 2024: Mizo Zirlai Pawl Sub- Headquarters: Cherhlun chuan nimin ni 12 June, 2024(Nilaini) hian Zirlai ti tha te leh Pu Fj Thangliana Best Farmer Award Hnahthial District dawng tu te Lawmpui na hun Community Hall, Cherhlun ah hun hman a ni a. Tv.B.Lalhmunmawia, Vice-President in kaihruaiin, Rev.Lalhruaitluanga Chawngthu(BCM Cherhlun Bialtu Pastor)in Hunserh hmangin, Pu Kiddy TM Lalrintluanga Sr.Sub-Divisional Officer,PWD,N.Vanlaiphai,Sub-Divisional chu Khuallian niin he hun hi a hmanpui.
Khuallian Pu Kiddy TM Lalrintluanga Sr.Sub-Divisional Officer,PWD,N.Vanlaiphai,Sub-Divisional chuan zirlaite fuihna thu sawiin, A hmasa berah Pathian dah ila kawng a awlsam thin a,Kohhran leh khawtlang tan theihtawp chhuah tur leh,theihtawp kan chhuah chuan chunglam Pathianin malsawmna minpe thin a,Exam Paper pakhat tih chhiat avanga Zirlaite hnual mailo turin a a fuih bawk ani.
Pu Vanlalngheta Chawngthu Secretary MZP Sub-Hqr Cherhlun in,in hmelhriattirna leh lawmthusawina nei ani.
MZP Sub-Hqr Cherhlun President Tv.Biakhlupuia pawhin thusawiin College kal te zingah Huau huau lam ringawt buaipui te aiin library a kal taima leh an hunawl a chapel a kal hram hram thin a piangin hlawh tlinna an chang thin tih thu a sawi ani.
Pu Mc Zohranga VCP Cherhlun pawhin thusawiin Zirlaite hnenah Nu leh pa thuawih athatzia te,khawtlang a an hmalakna hrang hrang te sawiin,eng ang pawh in zirsang ila midang te tan malsawmna thlen turin afuih bawk ani.
He hunah hian,Awareness Campaign(Ruihloh thatloh zia) neih niin Dr.Zonunsangi (Phc Cherhlun MO)chuan hun hmangin Drug thatloh zia sawiin vawikhat tih chhin a pawizia te,Cancer siamtu ber chu Zuk leh hmuam anih thu sawiin, Ram rethei apiangah Cancer a tam a,Ram hausa apiangah Cancer atlem thu a sawi ani.
He hunah hian, zirlai 15 chawimawi niin, Pu Fj.Thangliana Best Farmer Award Hnahthial District,dawngtu chu chawimawi ani bawk.
Mipuite min awi turin Zaithiam tak tak ngaihthlak ani bawk.
[News update awlsam taka i dawn theih nan, WhatsApp Channel hi lo join ve ta che: https://whatsapp.com/channel/0029Va5SRQ77dmeSCGESWy0d ]
Share it with your friends!
[Feedback at: chiefeditorhnahthialpost@gmail.com]
[For Advertistment contact: +91 9774 771 645]
HNAHTHIAL POST
Hnahthial Insta Facebook:
Hnahthial Insta (Instagram):
Hnahthial Post YouTube:
Hnahthial Post Twitter:
