Hnahthial Post | 2nd June, 2024: YMA Chanmari Branch, Hnahthial chuan an Branch hnuaia Education Sub-Committee hmalaknain Ni 1 June, 2024 (Inrinni Zan) khan an huam chhunga zirlai HSLC leh HSSLC Pass tharte lawmpuina hun an hmang a, YMA Chanmari Branch Vice President Pu B Lalremsanga bakah MZP Headquarters: Hnahthial President Pu Jimmy Lalrosanga leh MSU District Headquarters Hnahthial President Pu Malsawmkima te'n zirlai kal khawmte hnenah fuihna thuchhah an sawi a ni.
Pu B Lalremsanga chuan, Zirlaite chu nakin lawka khawtlang hruaitu leh Officer pawimawh tak tak la ni tur in ni a, Zirna hian engkimah hmasawnna a keng a ni tih hre turin leh khawtlang tana chhawr tlak ni tura zir zel turin a chah a ni.
Pu Jimmy Lalrosanga pawhin, Zirlaite chu nih tum neia zir turin leh chhawr tlak nih ngei tum turin a fuih thar leh a. An zir chhuah a, Officer lian emaw Politician an nih hunah Hnahthial khua chu hnuchhawn mai lo a, Hnahthial khua sang tak thlen puitu ni turin a chah a ni. YMA Chanmari Branch-in tun hnai kum 2 chhunga Mizoram pum huapa lang thei zirlai an nei chu lawmawm tiin YMA Chanmari Branch-in Zirna ngai pawimawh a, Education Sub-Committee an nei chu lawmawm a tih thu a sawi bawk. Thu sawitu dang Pu Malsawmkima pawhin Zirlai Pass tharte a lawmpui thu bakah zirna sang zawk zir tum, harsatna neite chu MSU-in tuam hlawm an inhuam thu sawiin, MSU-in zirlai eng emaw zat an lo pui tawh thin te a sawi bawk a; Pathian tih chunga zirna chhunzawma hlawhtlinna chang zelin turin duhsakn a hlan a ni. He hunah hian MSU District Hqrs Hnahthial chuan HSLC result chhuaka Mizoram puma 4-na Lalramluahpuii, Pu Lalduhawma Chanmari Veng fanu chu lamwpuina thuziak leh MSU sash hlanna an nei bawk a ni.
He hunah hian Education Sub-Committee Asst.Secy, Tv Laldinpuia chuan report pein, Education Sub-Committee din an nih atangin an veng chhunga zirlai te chu an Inah tlawh chhuahna hunte an hmang thin a. Board Exam hmachhawn turte chu Pathian hnena tawngtai sakna an neih thin bakah, Exam laia an lehkha chawlh laia an ei leh in hrisel leh tha te an pek thin thu a sawi a. 2024-a HSLC leh HSSLC a an veng chhunga zirlai mi 23, HSLC - 10, HSSLC (Arts) - 11, HSSLC (Science) - 2 te veng chhung atanga Pass thar an awm thu a sawi a ni.
HSLC:
Distinction - 2
I Division - 1
II Division - 6
III Division - 1
HSSLC:
Science
I Division - 2
Arts
I Division - 4
II Division - 5
III Division - 2
He hun hi Pu Lalduhthlana, Chairman Education Sub-Committee, YMA Chanmari Branch chuan kaihruaiin, Rbt K Vanlalthuama (BCM Chanmari) chuan hunserh a hmanga, Pu K Lalchhuanawma, Vice Chairman Education Sub-Committee chuan kal khawmte hnenah lawm thu sawina hun a hmang bawk a ni.
Thlalak dang DOWNLOAD-na link
[News update awlsam taka i dawn theih nan, WhatsApp Channel hi lo join ve ta che: https://whatsapp.com/channel/0029Va5SRQ77dmeSCGESWy0d ]
Share it with your friends!
[Feedback at: chiefeditorhnahthialpost@gmail.com]
[For Advertistment contact: +91 9774 771 645]
HNAHTHIAL POST
Hnahthial Insta Facebook:
Hnahthial Insta (Instagram):
Hnahthial Post YouTube:
Hnahthial Post Twitter:
Tags
News